Tuesday, April 26, 2005

கிரிமினல்கள் ஜாக்கிரதை

கல்கியில் 1994-95 என்று நினைக்கிறேன், "கிரிமினல்கள் ஜாக்கிரதை" என்ற தொடர் வந்து கொண்டிருந்தது. நான் கல்கியில் விரும்பி படித்த தொடர்களில் இதுவும் ஒன்று. கிட்டத்தட்ட ஒரு கிரைம் கதை போல் வாரவாரம் சஸ்பென்ஸ் வைத்து எழுதப்பட்டது. இதில் வந்த நபர்கள் நமக்கு மிகவும் பரிட்சயமானவர்கள் அதனால் சுவாரசியம் மேலும் கூடுகிறது.


குற்றவாளிகளை ஆதாரபூர்வமாகக் கண்டுபிடிக்க காவல்துறை பெரிதும் நம்புவது, தடய அறிவியல் துறை என்னும் Forensic science பிரிவைத்தான். சிறியதொரு தலைமுடி, ஒரு சொட்டு ரத்தம், ரேகை, உடைந்த பல் என்று கிடைக்கும் அற்பமான ஆதாரங்களை வைத்துக்கொண்டு, அறிவியல்பூர்வமான ஆய்வுகளை மேற்கொண்டு குற்றவாளிகளைத் துல்லியமாக அடையாளம் காட்டும் இந்திய தடய அறிவியல் நிபுணர்களுள் டாக்டர் .பி. சந்திரசேகரன் மிக முக்கியமானவர்.


கல்கி வார இதழில் தொடராக வெளியான அவரது இந்த அனுபவக் குறிப்புகள் தற்போது நூல் வடிவில் வந்திருக்கிறது. இதில் தான் காஞ்புரத்தில் முதல் முதலில் சந்தித்த வடகம் பானையில் கானாமல் போன பணம் முதல் ஸ்ரீபெரும்புதூரில் ராஜிவ் காந்தி கொலையில் சம்பந்தப்பட்ட மொட்டை முருகன் வரை எழுதியிருக்கிறார்.


புத்தகத்தில் சந்திரசேகரனிடம் முக்கிய பிரமுகர்கள் சிலர் கேட்ட சுவாரசியமான கேள்விகளை முதலில் தருகிறேன்.


முதலில் எம்.ஜி.ஆர்.


[எந்த ஒரு விஷயத்தை பற்றிக் கேட்டாலும் அதைப் பற்றி முழு விபரங்களையும் சேகரித்துத் தருவதால்தான் உங்களுக்குச் சேகரன் என்ற பெயரோ என்று தமாஷாக சொன்ன எம்.ஜி.ஆர் தொடர்ந்து , "ஆனால் என்னுடைய வழக்கில் மட்டும் முக்கியமான தகவலை சேகரித்துத் தர மறந்துவிட்டீர்களே சேகரன்" என்றார்.


"இல்லையே... கூடுமானவரை எல்லாத் தகவல்களையும் திரட்டி உதவினேனே" என்றேன் பதற்றதுடன்.


'நான் துப்பாக்கியால் மிக அருகிலிருந்து சுடப்பட்டும், எம்.ஆர். ராதா அண்ணன் தன்னைதானே சுட்டுக் கொண்டபோதும் இருவரின் உயிருக்கும் எந்த ஆபத்தும் ஏற்படவில்லையே; ஏன் ? அதற்கான காரணத்தைக் கண்டறிவவில்லையே சந்திரசேகரன்?" என்றார் எம்.ஜி.ஆர்.


... . . . . . . . எம்.ஜி.ஆர். போன்ற தலைவர் பிழைத்து வந்ததைக் கொண்டாடிக் கொண்டிருந்த மக்கள் மத்தியில் 'அருகிலிருந்து சுடப்பட்டும் ஏன் இறக்கவில்லை? என்ற நோக்கில் ஆராய்ச்சி செய்து வெளியிடுவது நாகரிகமாக இருக்காது என்று நான் கருதினேன். இருந்தாலும் அந்த ரீதியிலும் ஆராய்ச்சி செய்து அதற்கான விடையை வைத்திருந்தேன்.


.... ... . . . .


இவ்வளவு விவரங்களையும் எம்.ஜி.ஆரிடம் சொன்னேன். எம்.ஜி.ஆருக்கு இந்த விஞ்ஞானபூர்வமான காரணங்களைக் கேட்டது ஒரே சந்தோஷம். "இந்த உண்மைகளைத் தடய அறிவியல் துறைக்கு பயன்படும்படி வெளியிடவேண்டும்" என்று கேட்டுக்கொண்டார். ]


அடுத்தது ஜெயலலிதா...


[அப்போது மரபனு(DNA) பரிசோதனை ஆராய்ச்சி முற்று பெறாத காலகட்டம். உலகமெங்கும் இது போன்ற கேஸ்களில் ரத்ததைச் சோதித்து கண்டுபிடிக்கும் HLA சோதனைதான் நடைமுறையில் இருந்தது.....


..... HLA சோதனை பற்றி விளக்கும் போது முதல்வர் ஜெயலலிதா ஒரு கேள்வி கேட்டார். "ஒரு கணவனுக்கு 'ஏ' குருப் ரத்தம், மனைவிக்கும் 'ஏ' குருப் என்று வைத்துக் கொள்ளுங்கள்; உங்கள் HLA சோதனைப்படி குழந்தைக்கு 'ஏ' குரூப்போ அல்லது 'ஓ' குரூப்போ இருக்க வேண்டும்; அடுத்த வீட்டுக் காரனுடன் மனைவிக்கு தொடர்பு வைத்திருப்ப்தாக கணவர் சந்தேகப்படும்பட்சத்தில் அடுத்த வீட்டுக்காரனுக்கும் 'ஏ' குரூப் ரத்தம் இருக்கும்பட்சத்தில் குழந்தைக்கு அப்பா யார் என்று எப்படி நிர்ணயிப்பீர்கள் ?" ]


மேற்குறிய கேள்விகளுக்கு சந்தரசேகரன் என்ன விடையளித்தார் என்பதை புத்தகத்தை வாங்கி படித்துக்கொள்ளுங்கள்.


ராஜிவ் காந்தி விடுதலைப்புளிகளால் கொல்லப்பட்டதை விவரிக்கும் சந்திரசேகர் ஆர்.டி.எக்ஸ் (RDX) பற்றி ஒரு சிறு குறிப்பு தருகிறார்.


[ ஆர்.டி.எக்ஸ் என்றால் 'ரிசர்ச் அண்ட் டெவலப்மெண்ட் எக்ஸ்ப்லோசிவ்' என்று பொருள். அமெரிக்க ராணுவ விஞ்ஞானிகள் கண்டுபிடித்ததுதான் இந்த வெடிமருந்து. இதன் ரசாயனப் பெயர் சைக்கிளொமைட் என்பதாகும். திடமும் அல்ல திரவமும் அல்ல. சப்பாத்தி மாவை எப்படி தட்டையாக உருண்டையாக நமக்கு தேவைப்பட்டது போல் செய்து கொள்கிறோமோ அது போலவே இந்த ஆர்.டி.எக்ஸ் வெடி மருந்தையும் தேவைக்கேற்றபடி செய்துக்கொள்ள முடியும். இந்த மருந்தை 40 கி.மீட்டருக்கு நீளமாக வைத்து ஒரு முனையைப் பற்ற வைத்தால் அதே நேரத்தில் மறுமுனையும் எரியும். இதிலிருந்து ஆர்.டி.எக்ஸ் நெருப்பைக் 'கடத்தும்' வேகத்தை ஊகித்துக் கொள்ளுங்கள். இந்த மருந்தை பற்ற வைக்க 197 டிகிரி வெப்பம் உருவாக்கப்பட வேண்டும் ஆர்.டி.எக்ஸ் வெடி மருந்தில் வைக்கப்பட்டிருக்கும் ரவைகள், அது வெடிக்கும் போது ஒரு வினாடிக்குள் 26000 அடி பாயும் என்றால் பார்த்துக்கொள்ளுங்கள். அப்படிப்பட்ட கொடுமையான வெடிமருந்து ஆர்.டி.எக்ஸ்.!.]


"பத்மநாபா கொலை; பாதியில் நின்ற சோதனை" என்ற தலைபில் இவ்வாறு எழுதியுள்ளார்.


[ பத்மநாபா கொலை வழக்கில் தடயங்கள் சோதனைகள் செய்து கொண்டுயிருந்த போது, அன்றைய தமிழக அரசு "தடய சோதனைகள் போதும்.... கிளம்பலாம்" என்று தகவல் வந்தது ...." எனக்கு ஒரே ஆச்சரியம்! ஏன் பாதியில் நிறுத்தச் சொல்கிறார்கள் என்று புரியாமல் நான் செகரித்தவற்றை எடுத்துக்கொண்டு கிளம்பிவிட்டேன். ....


வருந்ததக்க விஷயம் என்னவென்றால் இது சம்பந்தமாக எந்த அறிக்கையும் அரசு எங்களிடம் கேட்கவில்லை என்பது தான்.....


அது தவிர கோர்டிலும் சாட்சி சொல்லவும் அழைக்கவில்லை. சம்பவம் நடந்த இடத்தில் எங்களைப் போதுமான அளவு சோதனை செய்ய அனுமதித்திருந்தால் எதிர்காலத்துக்கும் அது பயனுள்ளதாக அமைந்திருக்குமே என்று இப்போதும் நினைத்துக் கொள்கிறேன். ...]


மேலும், சுப்பிரமணியம் சுவாமி 'தடா' ரவியுடன் இருக்கும் சந்தேகப் படம், சில்க் ஸ்மிதா மரணம், நடுக்கடலில் தீ, ஆட்டோ சங்கர், அண்ணா அடைந்த அதிர்ச்சி, எல்.ஐ.சி எப்படி எரிந்தது ?, நடராஜர் சிலையை எப்படி மீட்கப்பட்டது என்று பல சுவாரசியமான கட்டுரைகள் இப்புத்தகத்தில் இருக்கிறது.


கடைசியாக சந்திரசேகரன் இவ்வாறு எழுதுகிறார். ...


[ தடய அறிவியல் துறையில் எனது சேவையை பாராட்டி பத்மபூஷன் விருது வழங்கப்படுகிறது. இந்த துறையில் யாரும் இது போன்ற உயர்ந்த விருதைப் பெற்றதில்லை. விருது பெற்றவுடன் என்னை நேரடியாகப் பாராட்டியவர்கள் மூப்பனாரும், திருநாவுக்கரசு மட்டுமே....ஆனால் சட்டமன்றத்தில் சொல்லி தங்கள் நெருக்கடிகளைச் சமாளித்துக்கொண்ட மற்ற தமிழக அரசியல்வாதிகளிடமிருந்து எந்த ஒரு பாராட்டும் இல்லை. தமிழ், தமிழன் என்று பேசுவர்களுக்கு சக தமிழனைப் பாராட்ட் மனம் வரவில்லையே என்று ஏக்கப் பெருமூச்சு வருகிறது. ....விஞ்ஞானம் வளர வளர கிரிமினல்களும் ஹைடெக் ஆக மாறிவிட்டார்கள். அவர்கள் முகமூடிகளைக் கிழிக்கும் வகையில் என் பணி தொடரும்.]


டாக்டர் சந்திரசேகரனின் அனுபவங்களை எழுத்து வடிவம் தந்திருப்பவர் ப்ரியன், கல்கி இதழில் தொடர்ந்து அரசியல் கட்டுரைகள் எழுதி வருபவர்.


["கிரிமினல்கள் ஜாக்கிரதை!", கிழக்கு பதிப்பகம், 126 பக்கங்கள், ரூபாய் 50/=, படிக்க 1 மணி நேரம்]



Old Comments from my previous Blog


very interesting..
//மேற்குறிய கேள்விகளுக்கு சந்தரசேகரன் என்ன விடையளித்தார் என்பதை புத்தகத்தை வாங்கி படித்துக்கொள்ளுங்கள்//


அட பாவி ! :-(


By ரவியா, at Tue Apr 26, 01:27:26 PM IST  


சேகரனிடம் தன்னைப்பற்றி கேட்டார், MGR;....... சரி.
கள்ளத்தொடர்பில் குழந்தை பிறப்பது பற்றி ஜெயலலிதா கேட்டது.... யாருக்காக, இது யாருக்காக !


"ஐயோ கொல்றாங்களே" புகழ் tape-ஐ கூட சேகரன் தான் ஆய்ந்தாரா?, தமிழ், தமிழன் என்று பேசுவர்களுக்கு சக தமிழனைப் பாராட்ட மனம் வரவில்லையே என்று ஏக்கப் பெருமூச்சு விடுகிறாரே.


By Anonymous, at Tue Apr 26, 07:21:41 PM IST  


நம்ப ஜெயா கேட்டது கொஞ்சம் வித்தியாசமான கேள்வியாத்தேன் இருக்குது!


By Moorthi, at Wed Apr 27, 09:05:49 AM IST  


அன்புள்ள தேசிகன்


உங்கள் BLOG அற்புதம் (வேறு என்ன சொல்ல முடியும்). என் கேள்வி ஒரு சின்ன technical கேள்வி. உங்கள் Blogல் உள்ள படங்களைச் சுற்றி உங்கள் text அமைகிறதே அது எப்படி செய்வது? Templateல் என்ன மாறுதல் செய்ய வேண்டும்? ஒரு sample template (அ) code அனுப்ப முடியுமா? என் மின்னஞ்சல் janasampath@yahoo.com.


மிக்க நன்றி. வேண்டாத கேள்வி என்றோ, என்ன தொந்தரவுடா என்றோ தோன்றினால் மறக்கவும், மன்னிக்கவும்.


நன்றியுடன்


சம்பத் குமார்.


By சம்பத் குமார், at Fri Apr 29, 07:05:10 PM IST  


Is there a website that sells this book for international customers?


Nandri,
Bala


By .Net Explorer, at Sat Apr 30, 04:35:58 AM IST  


desikan,


ongala pathiyum ethavathu ezhuthi irrukkara?


kicha


By Anonymous, at Mon May 02, 01:54:35 PM IST  


சம்பத் குமார்,
உங்களுக்கு தனிமடல் அனுப்பியுள்ளேன்.


Bala,


try the following.
1.http://www.kamadenu.com
2.http://www.newhorizonmedia.co.in
3.http://www.anyindian.com


By Desikan, at Mon May 02, 03:08:30 PM IST  


தேசிகன்


உங்கள் மடல் கிடைத்தது. நான் விரும்பியபடி செய்ய முடிந்த்து.


மிக்க நன்றி


சம்பத் குமார்


By சம்பத் குமார், at Mon May 02, 07:11:50 PM IST  


 

Wednesday, April 13, 2005

தசாவதாரம் – தி மிஸ்ஸிங் லிங்க்

 உயிரியல் கொள்கையாக விளங்கும் டார்வின் கோட்பாடு பலருக்கு தெரிந்திருக்கலாம். லூயி பாஸ்டர் என்ற விஞ்ஞானிதான் முதன்முதலாக மாற்று சிந்தனையைத் தூண்டினார். ‘‘ஒவ்வொரு வகையான உயிரினமும் திடீர் திடீரென படைக்கப்பட்டன என்பது நம்புகிறமாதிரி இல்லை. அற்ப உயிரியான பாக்டீரியாகூட அப்பா, அம்மா இல்லாமல் பிறக்காது. எல்லா உயிரினங்களின் தலைமுறைகளும் பெருகும் விதம் இதான்! அப்படி பார்க்கப் போனால், மனித இனத்த உருவாக்கிய முதல் அப்பா, அம்மா யார்? ஒவ்வொரு இனத்தின் முதல் தலைமுறை யாராக இருக்கும்? இதை நாம் கண்டறிய வேண்டாமா?’’ என்று கேள்வி எழுப்பினார்.



இதன்பிறகு பலர் மனதிலும் இதே கேள்வி எழுந்தது....
அடுத்த சில வருஷங்களில் பரிணாமக் கொள்கையை அறிவித்த சார்லஸ் டார்வின், பல்வேறு உயிரினங்களும் தோன்றுவதற்கு ‘இயற்கைத் தேர்வு’தான் ((Natural selection) காரணம் என்றார். அதற்கு அவர் கொடுத்த விளக்கம் எல்லோரையும் அதிர்ச்சியில் ஆழ்த்தியது!
அது- கடலில் இருக்கும் பாசி, மீன்கள், ஆமைகள், நத்தைகள், காடுகளில் இருக்கும் குரங்கு போன்ற உயிரினங்கள், பறவைகள் என எல்லாமே ஏதோ ஒருவகையில் மனிதர்களுக்கு மூதாதையர்கள் என்றால் எல்லோருக்கும் அதிர்ச்சி வராதா?
அப்படியானால் நாம் அவற்றை என்ன உறவுமுறை சொல்லி அழைப்பது? பாசி... கொள்ளுத் தாத்தா, பூண்டோடு அழிந்துவிட்ட டினோஸர்கள்... எள்ளுத் தாத்தா, குரங்கு... பெரியப்பா, சிம்பன்ஸி வகைகள்... மனிதனின் சித்தப்பா என்றெல்லாம் டார்வின் அடுக்கியபோது பலருக்கு கோபம் வந்துவிட்டது. ஆனால், உண்மை அதுதான் என்று காலப் போக்கில் ஏற்றுக்கொள்ளப்பட்டிருக்கிறது!
(படம்: பூமியின் உயிர் சுழர்ச்சி)


டார்வினின் தியரி இப்படிப் போகிறது... ‘பூமியின் சூழ்நிலை ஒவ்வொரு காலகட்டத்திலும் மாறிவிடுகிறது. பூமியில் இருந்த உயிரினங்களும் அந்த மாற்றங்களுக்கு ஏற்ப மாறிவந்தன. ஒரு அப்பா, அம்மாவுக்கு பிறக்கும் அடுத்த தலைமுறை உயிரினம் தன அப்பா, அம்மாவின் குணங்கள் கொண்ட நூறு சதவிகித ஜெராக்ஸ் காப்பியாக இல்லாமல், அதன் தாய் & தந்தை சந்தித்த புதிய பிரச்னைகளை எதிர்கொள்ளும் விதமாக குணத்திலும் உடல் அமைப்பிலும் மிகமிக நுட்பமான சில மாற்றங் களோடுதான் பிறக்கிறது. கால ஓட்டத்தில் புதிதுபுதிதாக எழும் இயற்கையின் சவால்களைத் தாக்குப் பிடிக்க முடியாத உயிரினங்கள் மடிந்து போகின்றன. அந்த புதிய சவால்களைத் தாக்குப் பிடிக்கக் கூடிய வகையில் புதிய உயிரினங்கள் உருவாகின்றன. லட்சக்கணக்கான வருஷங்கள்... ஆயிரக்கணக்கான தலைமுறைகள்... ஒவ்வொரு உயிரினமும் கோடிக்கணக்கான எண்ணிக்கையில் இருந்தன. ஏதோ ஒரு மூலையில் இருக்கும் ஒரு உயிரினத்துக்கு பிறந்த வாரிசு, அதேமாதிரி இல்லாமல் புதிய இனமாக தலை எடுத்தது.
(படம்: முதல் உயிர் நீரிலிருந்து நிலத்திற்கு, நாஸா வெளியிட்ட படம்)



பரிணாம வளர்ச்சியும் அப்படித்தான் என்பது டார்வின் கட்சி! காலப்போக்கில், அறிவியல்ரீதியாக இது நிரூபிக்கப்பட்டது. நம் உடலில் இருக்கும் அதே போன்ற மரபணுக்கள்தான் பாக்டீரியா, பாசிகள், வீட்டு விலங்குகள், காட்டு விலங்குகள் என எல்லாவற்றின் உடம்பிலும் இருக்கின்றன. ‘அப்படின்னா எல்லாரும் பங்காளிங்கதான். முதன்முதலாக ஆழ்கடலில் எட்டிப்பார்த்த நீலப்பச்சைப் பாசிதான் நமக்கு மூதாதையர். அது அடுத்தடுத்த தலைமுறைகளை உருவாக்கியது. இப்படித்தான் படிப்படியாக உயிர்கள் தோன்றுவது நிகழ்ந்தது’ என்றார் டார்வின். பாசியிலிருந்து பரிணாம வளர்ச்சியில் முன்னேறிய இந்த இனம் தான் இன்று வலைப்பதிவு எழுதிக்கொண்டிருக்கிறது; பின்னூட்டங்களில் சண்டை போட்டுக்கொண்டிருக்கிறது.(படம்: நீலப்பச்சைப் பாசி)


சரி சார் சரி, அந்த ஒற்றை நீலப்பச்சைப் பாசியிலிருந்துதான் சகல உயிரினங்களும் தோன்றியதாக வைத்துக் கொள்வோம். அந்த முதல் பாசி எங்கிருந்து வந்தது ?. உயிர்கள் எதுவுமே இல்லாத சூழலில் அதன் வருகை எப்படி நிகழ்ந்தது ? அது எப்படி பெருகியது ? அதிலிருந்து விலங்கினங்கள் எப்படி தோன்றியிருக்கும்?’ என அடுக்கடுக்கான கேள்விகள். எழுந்தது .பல நிபுணர்கள் ஒவ்வொரு தியரியாக சொன்னார்கள் ஆனால், கடைசியில் ஓபாரின் என்ற ரஷ்ய விஞ்ஞானி சொன்னதான் உண்மை என்று ஏற்றுக்கொள்ளப்பட்டு இருக்கிறது. ‘வானத்திலிருந்து வந்த மின்னல், கடலுக்கடியில் சில ரசாயன மாற்றங்களைச் செய்தது. அதன் விளைவாக உயிர்களின் அடிப்படைப் பொருட்களான மூலக்கூறுகள் கிளம்பின. அதிலிருந்துதான் உயிர் தோன்றியது’’ என்றார் அவர்.


பிற்பாடு சிகாகோவைச் சேர்ந்த விஞ்ஞானி ஸ்டான்லி மில்லர், 1953ஆம் ஆண்டு இந்த தத்துவம் உண்மை என்று நிரூபித்தும் காட்டினார். மூடிய ஒரு குடுவயில் ஆதிக்காலத்தில் கடல் இருந்த சூழ்நிலையை உருவாக்கி, மின்சாரத்தின் மூலம் செயற்கை மின்னல அந்த குடுவைக்குள் ஏற்படுத்தினார். அதன் விளைவாக செயற்கைக் கடலின் அடியில் உயிர் ஏற்படுவதற்கான சூழ்நிலை உருவானது. கவனிக்கவும்! சூழ்நிலைதான் ஏற்பட்டது! புதிய உயிரே தோன்றிவிடவில்லை. அது மனிதனால் ஆகக்கூடிய காரியமும் இல்லை!.


உலகத்தில் உயிரினங்கள் தோன்றிய மொத்த வரலாற்றையும் சுருக்கி ஒரு வருஷம் என்கிற கற்பனை காலண்டருக்குள் அடைத்தால், பாசி தோன்றியது ஜனவரி முதல் தேதி... மனிதன் தோன்றியது டிசம்பர் முப்பத்தோறாம் தேதி! அதாவது அவன்தான் கடைசிக் குழந்தை | இப்போதுள்ள உயிர்களிலேயே பரிபூரணமான குழந்தை!


உயிரியல் கொள்கையாக விளங்கும் டார்வின் கோட்பாட்டுக்கும் திருமாலின் பத்து அவதாரங்களுக்கும் சம்பந்தம் இருக்கு என்றால் சிரிப்பீர்கள். எளிமையாக சொல்ல முடிகிறதா என்று பார்க்கிறேன்.



முதலில் ஒரு செல்லிலிருந்து கடலில் தோன்றிய முதல் உயிரினம் மீன் என்றால் இது மச்சாவதாரம். பிறகு நீரிலும் நிலத்திலும் வாழும் ஆமை, தவளை போன்றவை தோன்றியது - இது கூர்மாவதாரம். அதன் பின் நிலத்தில் மட்டும் வாழும் உயிரனமாக (பன்றி) வராகவதாரம். பின் நான்காவதாக மனிதனுமின்றி, மிருகமுமின்றி நரசிங்காவதாரம். ஐந்தாவதாக ஒரு குள்ளமனிதனாக வாமனாவதாரம். ( இதற்கு பிறகு வருவோம்). ஆறாவதாக, மனிதன் கொஞ்சம் விலங்குகளின் தன்மையுடன் கூடிய பரசுராமாவதாரம். ஏழாவதாக முழுமனிதனாக இராமாவதாரம். எட்டாவதாக குறும்பு செய்யும் மனிதனாக கிருஷ்ணாவதாரம். ஒன்பதாவது விவசாயம் பார்க்கும் மனிதனாக பலராமவதாரம்.


டார்வினுக்கு இந்து மதத்தில் உள்ள 10 அவதாரங்களைத் தெரிய வாய்ப்பு இல்லை. ஆரம்பத்தில் உயிரனங்கள் தண்ணீரில் தோன்றியது. பிறகு அதே உயிரினம் தண்ணீரிலும் நிலத்திலும் வாழும் தகுதி பெற்றது. அதன் பிறகு நிலத்தில் வாழும் விலங்குகள். அடுத்து படிப்படியாக அந்த விலங்குகள் வளர்ச்சி பெற்று குரங்காகி அதிலிருந்து மனிதன் தோன்றினான். மீனில் ஆரம்பித்து 5-வது அவதாரமாக வருவது வாமன அவதாரம். நான்கு அவதாரங்களை அடுத்து விடுபட்ட இந்த குள்ளமான வாமன அவதாரம்தான் - ''மிஸ்ஸிங் லிங்க்'' என்பது உயிரின வளர்ச்சிப் படிகளில் அடிக்கடி உபயோகிக்கப்படும் ஒரு சொல். குரங்கிலிருந்து மனிதன் தோன்றினான் என்று விஞ்ஞானம் ஒப்புக் கொண்டாலும் குரங்குக்கும் மனிதனுக்கும் இடையில் ஏதோ ஒன்று இருக்கிறது. அந்த மிஸ்ஸிங் லிங்க் எதுவென்று விஞ்ஞானிகள் அவ்வப்போது தலையை பிய்த்துக் கொள்கிறார்கள். ஆனால் குரங்குக்கும் மனிதனுக்கும் உள்ள உருவ ஒற்றுமையைப் பார்த்தால் விடுப்படவில்லை என்பது தெளிவாகுகிறது.



சமீபத்தில் அதுவும் கண்டுபிடிக்கப்பட்டுள்ளது என்றால் நம்புவீர்களா ? ஆம் கடந்த அக்டோபர் மாதம் விஞ்ஞானிகள் குள்ள மனிதனின் எலும்புக்கூடுகளை இந்தோனேஷியாவில் கண்டுபிடித்துள்ளார்கள். இந்த மனிதனின் உயரம் மூன்று வயது குழந்தையின் உயரம். இவர்கள் மண்டை ஓடுகள் ஒரு சாத்துக்குடி அளவே இருப்பதாக படங்கள் காட்டுகிறது. இந்த மனிதன் 18,000 வருடங்களுக்கு முன் வாழ்ந்தவர்கள் என்கிறார்கள் ஆராய்ச்சியாளர்கள். அவர்கள் கண்டுபிடிக்கபட்ட இடத்தில் கல்லினாலான ஆயுதங்கள், மற்றும் மிருகங்களின் எலும்புகூடுகளும் கண்டெடுக்கப்பட்டுள்ளன.


இந்த மனிதனுக்கு Hobbit என்று பெயர் வைத்துள்ளார்கள். (Lord of the Rings என்ற படத்தில் வரும் குள்ள மனிதனின் பெயர் )


மிஸ்ஸிங் லிங்க் கிடைத்துவிட்டதா ? கடவுளுக்குத்தான் வெளிச்சம்.
படங்கள் உதவி: NASA
References :
அச்ச ரேகை, தீர்வு ரேகை - டாக்டர் எம்.பி.இராமன், ஜூனியர் விகடன்
இலக்கியத்தியல் அறிவியல் - சிங்கை கிருஷ்ணன்
http://www.sfgate.com/cgi-bin/article.cgi?f=/c/a/2004/10/28/DWARF.TMP
http://news.nationalgeographic.com/news/2004/10/1027_041027_homo_floresiensis.html



Old Comments from my previous Blog


மிகவும் அருமையான பதிவு.


By Kannan, at Wed Apr 13, 10:33:11 AM IST  


நல்ல பதிவு, அப்படியே புஷ்பக விமானத்தை முன் வைத்தும் ஏதாவது சொல்லலாமே! அணுவுள் உறையும் சக்தியின் நடனத்தையும், குவாண்டம் மெகானிக்ஸ் பற்றியும் எழுதுங்கள். பயனுள்ளதாய் இருக்கும்.


By ROSAVASANTH, at Wed Apr 13, 10:53:46 AM IST  


நன்றாக எழுதியிருக்கிறீர்கள். இந்த மிஸ்ஸிங் லிங்கின் பகுதியாக விளங்கும் குள்ள மனிதர்கள் பற்றிய ஆராய்ச்சிகள் உலகமெங்கும் நடந்து வருகின்றன. ஆப்ரிக்க காடுகளில், இதுப் போன்ற தொன்ம பழங்குடிகள் இன்னமும் வாழ்ந்து வருவதாக, எப்போதோ நேஷனல் ஜிகிராபிக் சேனலில் பார்த்த ஞாபகம். இதைத் தாண்டி, சில நாட்களுக்கும் முன் நான் படித்த NGC தளத்தின் ஒரு செய்தி, இந்த மொத்த விவாதத்திற்கும் முற்றுப்புள்ளி வைக்கும் என்று தோன்றுகிறது.


ஜப்பானிய உயிரியல் விஞ்ஞானிகள், ஒரு மெமொத்தின் செல்லினை (ஃபொசலைய்ல்) எடுத்து, ஆராய்ச்சி நிலையத்தில் இப்போதிருக்கும் ஒரு யானையை கொண்டு, மீட்சி செய்ய முயற்சிக்கிறார்கள். ஜுராசிக் பார்க் மாதிரி தெரிந்தாலும் அதுதான் உண்மை பார்க்க


இதைத்தவிர ஏற்கனவே கைமரா பற்றி என் பதிவில் எழுதியிருக்கிறேன். ஒரு எட்டு அதையும் படித்தீர்களேயானால், மிஸ்ஸிங் லிங்க் தெரியுமென்று தோன்றுகிறது


By Narain, at Wed Apr 13, 11:43:03 AM IST  


rosa vasanth, you have forgotten to post the smiley there.i understand your sarcastic comment but desikan and others may not- ravi srinivas


By Anonymous, at Wed Apr 13, 12:14:37 PM IST  


//i understand your sarcastic comment but desikan and others may not- ravi srinivas //
This is a classic case of bloated ego and arrogance that makes Ravi think that other bloggers may not be intelligent enough to understand Rosavasanth's intended sarcasm. Even condemnation will not make such creatures learn and develop. It is simple enough to understand without the smiley.


By SM, at Wed Apr 13, 04:04:35 PM IST  


கடவுள் இல்லை என்று சொல்லும் பரிணாம கொள்கையை வைத்து, உங்கள் நம்பிக்கையை நியாயப்படுத்த முயன்றுள்ளீர்கள். எல்லாம் தானா தோன்றியபிறகு அங்கு கடவுளுக்கு என்னையா வேலை? அவதாரத்துக்கும் பரிணாமத்துக்கும் உள்ள வித்தியாசம் கூடவா தெரியவில்லை.


டார்வின் உயிருடன் இல்லையென்பதுதான் உங்களுக்கு சந்தோசம். எப்படிவேண்டுமானாலும் அந்த கொள்கைக்கு விளக்கம் கொடுக்கலாம் அல்லவா. இதுதான்யா அறிவியலாருக்கும் உங்களைப்போன்ற கதாசிரியருக்கும் உள்ள வித்தியாசம்.


By T.N.Neelan, at Wed Apr 13, 05:03:00 PM IST  


Desikan


Sivapuranathil varum pullaagi poodai, puzhuvai.... padikkumbodhum PerumaLin avadhaarangalai patri padikkumbdhum Darwin's theory gnanbagathirkku vandhadhundu.


Am I also right in saying that the Church leaders don't accept Darwin's theory?


By Uma, at Wed Apr 13, 05:15:08 PM IST  


//தி மிஸ்ஸிங் லிங்க்// என்ன "ஐப்பர் லின்க்" டோண்டுக்கு போட்டியா


By ரவியா, at Wed Apr 13, 07:25:51 PM IST  


science fiction நாவல்கள் வந்து பின்னர் அதை நிஜமாக்கும் science வருகிறது அல்லவா?
அது போலதான் இதுவும்.
அதற்காக science fiction நாவல்கள் எல்லாம் science ஆகாது.
Fictionஐ ஓரளவு இரசிக்கலாம். ஆனால் science உடன் போட்டு குழப்பிக்கொள்ள கூடாது.
அந்த தெளிவு இருந்தால் சரி.


By Anonymous, at Wed Apr 13, 07:25:56 PM IST  


ஒரு வேளை கல்கி அவதாரம் என்பது அந்த காலத்து Alien நாவலாக இருக்குமோ?


By Anonymous, at Wed Apr 13, 07:28:52 PM IST  


//Fictionஐ ஓரளவு இரசிக்கலாம். ஆனால் science உடன் போட்டு குழப்பிக்கொள்ள கூடாது.
அந்த தெளிவு இருந்தால் சரி. //


தேசி,யார் இந்த அறிவாளி ? உலகம் உருண்டையாமே ?


By ரவியா, at Wed Apr 13, 07:30:39 PM IST  


அப்போ டார்வின் தியரிப்படி ஒரு நாள் மனிதன் ¸ø¸¢Â¡¸ மாறிடுவான்னு சொல்றீங்க. :)
என்னமோ போங்க.


By Anonymous, at Wed Apr 13, 10:58:05 PM IST  


அப்போ டார்வின் தியரிப்படி ஒரு நாள் மனிதன் கல்கியாக மாறிடுவான்னு சொல்றீங்க. :)
என்னமோ போங்க.


By Anonymous, at Wed Apr 13, 10:58:34 PM IST  


pulavargale... avaiyil sacharavu irukkalam... sandai irrukka koodathu... santhamaga uraiyadungal.


there are few discussions in the blog that surprises me. few people have said that you may give some statement but that has to be scientifically proved.


the definition of science is critical here. if you take the explanation of new facts in ayurveda, homeopathy, or astrology or any science in india they are explained by some theory which can be understood and appreciated by people in those areas. if you ask them to prove their facts and relate it to the so called science which was discovered by americans and europeans in the late 16th century it is tough. our sciences are existing for many many centuries even before those people defined science.


visit http://www-gap.dcs.st-and.ac.uk/~history/Projects/Pearce/Chapters/Ch1.html. the link explain few mathematical concepts of india in terms of current mathematics definition. according to this link may mathematics which european define they INVENTED in 16th century were existing and applied in Asian countries very many years.


By kicha, at Thu Apr 14, 01:38:55 PM IST  


mr.kicha
what this has to do with the blog post.perhaps you are too confused to understand what science is.


By Anonymous, at Thu Apr 14, 03:14:41 PM IST  


நல்ல பதிவு தேசிகன்.
நானும் அந்த தசவதார லிங்க் பற்றி யோசித்திருக்கிறேன். ஆனால் வேதாந்தம் டார்வின் தியரியை மறுக்கிறது.


மீனுக்கும் மனிதனுக்கும் மரபணு தொடர்பு இருக்கிறதா? இல்லை என்றே நினைக்கிறேன்.


பரிணாம வளர்ச்சியில் கடைசி பாதி (குரங்கு -மனிதன்) உண்மையாக இருக்கலாம், அதற்கு மேல் மற்றவையெல்லாம் கற்பனை என நினைக்கிறேன்.


By ஜீவா(Jeeva) (#7113738), at Fri Apr 15, 09:08:46 AM IST  


This post has been removed by the author.


By ROSAVASANTH, at Fri Apr 15, 12:28:13 PM IST  


கிச்சா, சுட்டிக்கு நன்றி. முதல் மூன்று அத்தியாயங்களை படித்தேன். படித்தவரை தேசிகன் அளித்த லிங்கைவிட சற்று கறாரான தளத்தில் கட்டுரை செல்கிறது. (ஜெயலலிதாவைவிட கலைஞர் குறைவாகத்தான் ஊழல் செய்தார் என்பதுபோல்.) இது ஒரு ஆராய்ச்சி கட்டுரையாக (அது குறித்த விவரங்களை அறிய முயலவில்லை) ஜல்லியடிக்க பட்டிருப்பது சுவாரசியமாய் இருக்கிறது. இது போல் இன்னும் முக்கிய ஜல்லிகளை படித்திருக்கிறேன். உதாரணமாய் இந்தியாவிலிருந்து 'கணித்' என்ற பெயரில் ஒரு கணித இதழை பார்க்க நேர்ந்தது, இன்றய குவாண்டம் மெகானிக்ஸிற்கு தேவையான கணித சமாச்சாரங்கள் வேதங்களில் இருப்பதாக கட்டுரை செல்கிறது. கட்டுரையை ஆழமாய் படித்தால் மீண்டும் தேசிகனின் பதிவின் தரத்திலேயே அதுவும் இருக்கிறது. இப்படித்தான் சமஸ்கிருதம் செயற்க்கை அறிவிற்கான மொழி என்று சொல்லி ஒரு கட்டுரை artificial intelligence குறித்த ஒரு இதழிலேயே ஜல்லியடிக்கப் பட்டிருக்கிறது. கூர்ந்து படித்தால் இதே போன்ற புளுகு. இது குறித்து நான் ஏற்கனவே எழுதியிருக்கிறேன். அதனால் உங்களுக்கு பிடித்த அறிவியல் கணித சமாச்சாரம் ஏதாவது சொல்லுங்கள். நம் தமிழர் மரபை போற்றும் வகையில் சங்க இலக்கியத்தில் அதை கண்டுபிடிப்போம். என்ன தேடுகிறோம் என்று தெளிவாய் இருந்தால் கண்டுபிடிப்பது கடினமே அல்ல. கோக் பெப்ஸி கூட அகப்படும். உண்மையிலேயே இது குறித்து (ஜல்லி அடிக்காமல்) தீவிரமாய் பேச விரும்பினால் தெரிவிக்கவும். பிறகு முயற்சிக்கிறேன்!


By ROSAVASANTH, at Fri Apr 15, 05:26:01 PM IST  


இன்னும் ஒரு மிஸ்ஸிங்லிங்கும் கண்டுபிடிசாசு....கடைசி அவதாரமான கல்கி யாருனும் தெரிஞ்சுபோச்சு...
இங்கே போய் பாருங்க......


http://nihalvu.blogspot.com/2005/04/4.html


இதன் மூலமா இந்து முஸ்லிம் ஒற்றுமை வந்தா சந்தோஷம்தானே.......


By ஸ்ரீதர் சிவராமன், at Fri Apr 15, 05:44:14 PM IST  


அப்ப முகமது உலகை அழிக்க அவதாரம் எடுத்தாரா? இது என்ன வஞ்சப் புகழ்ச்சி!


By ROSAVASANTH, at Fri Apr 15, 05:55:13 PM IST  


பைபிலில் வரும் armagaddon கூட கல்கி வரவு தானுங்க.


By Anonymous, at Fri Apr 15, 07:27:46 PM IST  


"டார்வினுக்கு இந்து மதத்தில் உள்ள 10 அவதாரங்களைத் தெரிய வாய்ப்பு இல்லை. "


http://www.aboutdarwin.com/literature/Pre_Dar.html


இதையும் கொஞ்சம் பாருங்க.
Around 520 BC - Anaximander
The Greek philosopher, Anaximander of Miletus, wrote a text called "On Nature" in which he introduced
an idea of evolution, stating that life started as slime in the oceans and eventually moved to drier places.
He also brought up the idea that species evolved over time.


By Anonymous, at Fri Apr 15, 07:54:46 PM IST  


i) Vishnu Purana. This is one of the most important of all the Puranas. This contains the five technical divisions of the Puranas. This is divided into six adisas. This deals with the events of Varahakalpa and contains twenty-three thousand slokas. The theme is the ten incarnations of MahaVishnu. Vishnu Purana is the most ancient of all the Puranas and has got the name Puranaratna (gem of Puranas).


The method of narration is in the form of teaching his disciple Maitreya by sage Parasara. Since there is a reference in it to the Maurya dynasty it is to be surmised that this was composed in the first or second century A.D.


By Anonymous, at Fri Apr 15, 08:00:52 PM IST  


புத்தர் கூட விஷ்னு அவதாரமாமே...
[இப்படி சொல்லி தானே புத்தவிகாரை ஆக்ரமிச்சீங்க]
யாரைத்தான்யா விட்டுவைப்பீங்க..
மத்தவங்க அவதாரம்லாம் இருக்கட்டும்.
'வெட்கம் கெட்ட' அவதாரம்னா அது இப்படியெல்லாம் புழுகும் நீங்கதான்யா!


By Anonymous, at Fri Apr 15, 10:39:31 PM IST  


நல்லா உத்து படிங்கய்யா. கிரேக்கத்துல கிருஸ்து பிறப்பதற்கு 400 வருடங்கள் முன்னாடி ஒருத்தர்
உருவாக்கின் தியரியை 500-600 வருசம் கழிச்சு விஷ்ணுபுராணத்தில போட்டுருக்காங்க.


டார்வின் விஷ்னுபுராணத்த படிச்சாரோ இல்லையோ கிரேக்க தத்துவங்கள படிச்சிருக்கலாம்.


அறிவியல் தெரிஞ்சவங்க என்ன செய்வாங்க? தியரியை நிரூபிக்க ஆதாரத்த தேடுவாங்க.
நம்ம ஊர்ல என்ன செஞ்சாங்க?
அதையே கடவுளாக்கி ஆதார்மில்லாமலே உண்மையாக்கிட்டாங்க. அங்கதான் கொஞ்சமா இடிக்குது.


By Anonymous, at Fri Apr 15, 11:29:45 PM IST  


"அதையே கடவுளாக்கி ஆதார்மில்லாமலே உண்மையாக்கிட்டாங்க. "


அது மட்டுமா செய்தார்கள். அந்த அவதாரங்களுக்கு கோபிகாச்த்ரீகளும் கொடுத்து அவர்களுடன்
ஆட்டம் போட வைத்து, இன்னும் அறிவியல் எப்படி எப்படியோ போகுதுங்க.


By Anonymous, at Fri Apr 15, 11:44:14 PM IST  


I have also come acroos these concepts in Vishnu purana.There are very detailed accounts of how the univese was formed ( it says first it was in the form of a bubble which is similar to the big bang theory). A careful and deep study will reveal that these are not "kattukathai" . Unfortunately people pick up stories randomly and start commenting on them.These stories are just to simplify the truth.


Unfortunately, we dwell on these stories too much and never tried to figure out the truth.


May be it is out of the topic, but has anyone come across the concepts of chakras(energy centers) in the body and how each of them corresponds to the endocrine glands (adrenal, pieneal etc)?


REference to these are found in all puranas and patanjali's yoga sutra. A very accurate knowledge of the human body and body-mind connection was derived much before modern science discovered them. This is espeacially one area where similarity between science and our scriptures is seen clearly.


By Anonymous, at Sat Apr 16, 02:20:48 AM IST  


கீழ்கண்ட பி.பி.சி. செய்தியை படியுங்கள்.


http://www.bbc.co.uk/tamil/highlights/story/2005/02/050222_science.shtml
//சூடுபிடிக்கும் செவ்வாய் விவாதம்


பிரபஞ்சத்தை விடுத்து நம்முடைய சூரிய மண்டலத்துக்கு வந்தால் அங்கும் செவ்வாய்க்கிரகம் ஒரு பெரும் புதிராகத்தான் தெரிகிறது.


குறிப்பாக அங்கு உயிரினங்கள் ஒருகாலத்தில் இருந்திருக்குமா என்ற கேள்விக்குப் பதில் இன்னும் கிட்டிய பாடில்லை. அண்மையில் செவ்வாய்க்கிரகம் வரை சென்றிருக்கும் ஐரோப்பிய விண்கலம் எடுத்து அனுப்பிய புகைப்படங்களை ஆராய சென்ற வாரம் கூட, விஞ்ஞானிகள் கூடினார்கள்.


இவர்களில் ஒருவர் இத்தாலிய விஞ்ஞானி விட்டோரியோ போர்மிசானோ. செவ்வாய்க்கிரகத்தில் மீதேன் வாயு அதிகமாக முன்பு இருந்து அது பார்மால்டிஹைட் வாயுவாக மாறியிருக்கலாம் என்பது இவர் கருத்து.


இதை அடுத்து, செவ்வாய்க்கிரகம் பற்றிய விவாதம் சூடுபிடித்திருக்கின்றது.


அந்தப்புதிர் விடுபடும்போதுதான் பூமியில் உயிரினங்கள் தோன்றியது எப்படி என்ற புதிரும் விடுபடும் என்கிறார்கள் விஞ்ஞானிகள்.//


இதுவரை புதிராக உள்ள விஷயத்தைதான் நிரூபிக்கப்பட்டது என்று எழுதுகிறார்.


அப்படியே இந்துமதத்தில் அறிவியலுக்கு ஒற்றுப்போகிற விஷயங்கள் ஒன்று இரண்டு இருக்கலாம். குருவி உட்கார பன்னம்பழம் விழுந்த கதைதான். ஆனால் கதைகளும் கப்சாக்களும் ஆயிரக்கணக்கில் இருக்கிறது என்பதை மறுக்கவேண்டாம்.


By T.N.Neelan, at Sat Apr 16, 02:25:11 PM IST  


see my response in
http://ravisrinivas.blogspot.com/2005/04/blog-post_111373480404206669.html


By ravi srinivas, at Sun Apr 17, 04:19:24 PM IST  


//அது மீன் இனத்தின் தோற்றத்தினையோ அல்லது ஆமை இனத்தின் தோற்றத்தினையோ நோக்கமாகக் கொண்டு செய்யப்பட்டதல்ல. அவதாரம் என்பது எம் பெருமானின் லீலை , அவதாரம் பல வழிகளில் கடவுள் தன்னை வெளிப்படுத்தக்கூடும் என்பதற்கு ஒரு உதாரணம்.//
கவனிக்கப்படவேண்டியது. தேசிகனின் பதிவு மட்டையடியாய் கூட இல்லை. பொறுமையோடு எழுதியதற்கு நன்றி.


இதே போன்று ஓரிரு வருடங்களுக்கு முன் வெங்கட் எழுதியிருந்தார், தேசிகனின் கருத்து போன்றே எழுதியிருந்தாலும், சந்தேகத்திற்குரிய கோ-இன்ஸிடன்ஸ் என்ற அளவில்தான் எழுதியிருந்தார்.
"இணைப்பு-முயற்சியில் " அவர் இறங்கியதாக எனக்கு நினைவில்லை[தவறாய் இருக்கலாம்.]. 'அவதாரம்' என்று அவர் ப்ளக்கில் தேடினால் கிடைக்கலாம்.


இவர்களைப்பற்றி[[வெஙட்டைக் குறிக்கவில்லை] "என்னத்த சொல்ல ", என்றுதான் அலுத்துக்கொள்ளவேண்டியுள்ளது.
பதிவுக்கு நன்றி. உயிர்மையில் எழுதியது இணையத்தில் இருந்தால் வாசித்து என் கருத்தை சொல்வேன். மெனெக்கெட வேண்டியதில்லை.


By karthikramas, at Sun Apr 17, 10:38:42 PM IST  


"கப்சாவதாரம்" - த ரப்பர் லிங்க்


By Anonymous, at Mon Apr 18, 07:20:01 PM IST  


Dear desikan: Superb article.It may have raised a lot of dust but then that is the way "Truth" or rather the "ultimate Truth" can be found out.It is true from the limited perspective of "science" as we know and call it,the unicellular 'protozozoan' multiplied itself but what about the plants?What about the transformations in Inanimate objects?
I differ on one thing though.
The final word has not yet been said by anybody.Man is not the final and perfect end product.
Only"Time" can give the answers.
The exixtance of a "Primordial" force has never been proved wrong.
All the best


By kichami, at Tue Apr 19, 07:46:20 PM IST  


அருமையாக எழுதியிருக்கிறீர்கள்!...


By Sriks, at Tue Apr 26, 08:29:10 PM IST  


மிக நல்ல பதிவு தேசிகன். சுவாரஷ்யமாகவும் எழுதியிருக்கின்றீர்கள். அதுசரி இறக்கும் போது உயிர் அல்லது ஆவி என்று ஒன்ற உடம்பிலிருந்து கிளம்பி அலையுமே அது எப்படி உருவானது?


By கறுப்பி, at Tue Apr 26, 09:04:36 PM IST  


பரிணாமக்கோட்பாட்டில் எனக்கு எழுந்த ஒரு கேள்வியை எனது பிளாக்கில் எழுப்பியுள்ளேன். பதில் வேண்டுகிறேன். எனது உரல்:
dharumi.blogspot.com
நன்றி...


By Dharumi, at Thu Apr 28, 10:51:45 PM IST  


This post has been removed by the author.


By Dharumi, at Thu Apr 28, 10:51:47 PM IST  


Great post desikan.
The darwin theory is always a touchy topic.The christians fight over it too?.In US there is a fish symbol which can be seen on many cars.I used to wonder what it was.I got an answer when i asked on eof my american friend.There are 2 types of fish symbols the plain one and one which has legs.belonging to people who beleive in christ as the creator and the other beleiving in darwin theory.


check out this link.
http://www.asa3.org/ASA/topics/Youth%20Page/FishWars1.html


I never knew about the view of the dasavatharam.It is intresting, even if we take that hinduisn acquired it from greek.It is amazing that how hinduism can convert these great concepts into beautiful stories and give a face to it.


By senthil, at Tue May 03, 03:15:38 AM IST  


ஏன் பரிமாணக்கொள்கை பற்றி நீங்கள் எழுதியதைவிடவும், 'அவதார' விஷயம் இவ்வளவு 'இடத்தை' எடுத்துக்கொண்டது?
நீங்கள் எவ்வளவு சீரியசாக அவதாரக்கதையை எடுத்துக்கொண்டீர்களோ, எனக்குத் தெரியாது. ஆனால் என்னைப்பொறுத்தவரை மதங்கள் எல்லாமே மனிதனின் மிகச்சிறந்த படைப்புகள். அந்த படைப்புகளில், புனையப்பட்ட செய்திகளில் இது போன்ற பழங்கற்பனைகள் எப்படி இன்றைய விஞ்ஞானக்கண்டுபிடிப்புகளுக்கு ஒட்டி புனையப்பட்டுள்ளன என்று ஆச்சரியப்படலாம்; அதிசயப்படலாம். நம் முன்னோர்களின் Sci-Fi மூளையை வியக்கலாம்.அவ்வளவே.


By Dharumi, at Tue May 03, 11:59:06 PM IST  


ஏன் பரிமாணக்கொள்கை பற்றி நீங்கள் எழுதியதைவிடவும், 'அவதார' விஷயம் இவ்வளவு 'இடத்தை' எடுத்துக்கொண்டது?
நீங்கள் எவ்வளவு சீரியசாக அவதாரக்கதையை எடுத்துக்கொண்டீர்களோ, எனக்குத் தெரியாது. ஆனால் என்னைப்பொறுத்தவரை மதங்கள் எல்லாமே மனிதனின் மிகச்சிறந்த படைப்புகள். அந்த படைப்புகளில், புனையப்பட்ட செய்திகளில் இது போன்ற பழங்கற்பனைகள் எப்படி இன்றைய விஞ்ஞானக்கண்டுபிடிப்புகளுக்கு ஒட்டி புனையப்பட்டுள்ளன என்று ஆச்சரியப்படலாம்; அதிசயப்படலாம். நம் முன்னோர்களின் Sci-Fi மூளையை வியக்கலாம்.அவ்வளவே.


By Dharumi, at Tue May 03, 11:59:08 PM IST  


 

Sunday, April 10, 2005

திருமெய்யம்

"இன்னிக்கு கடைசி நாள் எதாவது நல்லாதா எழுது" என்றது வேதாளம்
"போன மாசம் திருமெய்யம் போனேன் அதை பற்றி எழுதவா ?" என்றான் விக்கிரமாதித்தன்.
"எதையாவது புரியும்படியாக எழுது"
"சரி பார்க்கிறேன்" என்ற விக்கிரமாதித்தன் திருமெய்யம் பற்றி எழுத ஆரம்பித்தான்.


* - *


“மையார் கடலும் மணிவரையும் மா முகிலும்
கொய்யார் குவளையும் காயாவும் போன்று இருண்ட
மெய்யானை மெய்யமலையானைச் சங்கேத்தும்
கையானை கைதொழாக் கையல்லகண்டாமே.”


(பெரிய திருமொழி, 2016, 11-7-5)என்று திருமங்கையாழ்வார் பாடிய திருமெய்யத்திற்கு திருச்சியிலிருந்து பேருந்தில் சென்றிருந்தேன்.


ஆழ்வார்கள் மங்களாசாசனம் செய்த நூற்றெட்டுத் திருப்பதிகளில் ஒன்றாக விளங்குகிறது. திருச்சி - புதுகோட்டை - காரைக்குடி சாலையில் புதுகோட்டையிலிருந்து தெற்கே 20கிலோ மீட்டர் தூரத்தில் அமைந்துள்ளது. திருமெய்யம் ஒரு கிராமும் கிடையாது, நகரமும் கிடையாது. இது ஒரு சிற்றூராட்சி.


Image hosted by Photobucket.comதிருமெய்யம் என்ற பெயர் திருமெயம் என்று மருவி வழங்கப்படுகின்றது ( டாக்டர் ர.பி.சேதுபிள்ளை, புதுகோட்டை கல்வெட்டுக்கள் எண் 340, காலம் 1256). கோயிலில் உள்ள பெருமாள் பெயர் திருமெய்யன் அதனால் இவ்வூருக்கு திருமெய்யம் என்ற பெயர் வரலாயிற்று. (தனியாகு பெயர் ). திருவரங்கத்தில் எழுதருளியிருக்கும் பெருமாளுக்கோ அவன் எழுந்தருளியுள்ள இடம் அரங்கமாக ஆற்றினிடையில் அமைந்திருந்ததால் இடத்தின் பெயரால் அரங்கன் என்ற பெயர் ஏற்பட்டுவிட்டது. (இடவாகுபெயர்).


திருமெய்யம் குன்றின் செங்குத்தான தென்முகச்சரிவில் சிவனுக்கும் திருமாலுக்கும் குடைவரை குகைகோயில்கள் அடுத்தடுத்து ஒன்றுக்கொன்று அறுபதுதடி தூரத்தில் அமைந்துளது. இங்கு ஒரு காலத்தில் ஒரு வழியாகவே சிவனையும், திருமாலையும் தரிசிக்கும் படியாகத்தான் சந்நிதிகள் அமைந்திருந்தன. ஆனால் பிற்காலத்தில் ஏற்பட்ட சமயச்சச்சரவுகள் காரணமாக தொன்மையான சிறப்புமிக்க பரதநாட்டியத்தின் நுணுக்கங்களைத் தெரியபடுத்தும் திருமெய்யத்துக் கல்வெட்டுக்கள் சிதைத்து அவற்றின் மேலேயே ஹொய்சள நாட்டுத்தளபதி அப்பன்னா சைவர்களுக்கும் வைணவர்களுக்கும் இடையில் சமரசம் செய்து வைத்ததைத் தெரிவிக்கும் கல்வெட்டுக்கள் இருக்கிறது. இன்று சந்நிதிகளுக்கு நடுவில் ஒரு மதில் சுவர் நிர்மாணிக்கப்பட்டு சிவன், விஷ்ணு கோயில்கள் தனித்தனியாக விளங்குகிறது.


கிபி 630-688ல் நரசிம்மவர்ம பல்லவனால் கட்டப்பட்டது தான் திருமெய்யம். கருவரையுடன் கூடிய குடைவரைக் கோவிலை மட்டும் தான் பல்லவர்கள் கட்டியுள்ளார்கள். அங்கு உள்ள சத்திய மூர்த்திப் பெருமாள் கோயில் முழுவதும் படிபடியாக பலரால் பிற்காலத்தில் சோழர்கள், முத்தரையர்கள், பாண்டியர்கள், விஜய நகர அரசர்கள், நாயக்கர்கள், சேதுபதி மன்னர்கள், நாட்டுக்கோட்டை நகரத்தார்கள் முதலானோர்கள் பல நிலைகளில் இக்கோயிலை கட்டியுள்ளார்கள்.


Image hosted by Photobucket.comகுடைவரை கோயிலில் ஐந்து தலைகளை உடைய ஆதிசேஷன் மீது சயனத்தில் பெருமாள் காட்சியளிக்கிறார். காலடியில் பூமாதேவி, மார்பினில் திருமகள், இடமிருந்து வலமாக கருடன், தர்மராஜன், சித்திரகுப்தன், சந்திரன், சூரியன், ராகு பிரம்மா, தேவர்கள், ரிஷிகள், வலதுகோடியில் மது,கைடபன் முதலான அரக்கர்கள் என அழகாக செதுக்கப்பட்டுள்ளது. இதைத்தவிர கோயில் சுவற்றில் சூலக் குறிகளால் ஆதிசேஷன் அக்கினி ஜூவாலைகள் அசுரர்களை தாக்குகிறது. ஆராயவேண்டிய சிற்ப்பங்கள். இவை தவிர, கானப்பறை, பேரிகை, சல்லிகை, தக்கை, தண்ணுமை தடாகமும், தடாரி, உடுக்கை, கிடக்கை, கரடிக்கை முதலான பண்டைக்கால கருவிகளும் மலையில் வடிக்கப்பட்டுள்ளன!.


இங்கு உள்ள பெருமாள் பெரிய திருமேனியுடன் முப்பது அடிநீளத்தில் ( அரங்கநாதனை விட பெரிய திருமேனி) காட்சியளிக்கிறார்.


Image hosted by Photobucket.comநூற்றெட்டுத் திருப்பதிகளில் திருவெள்ளரையும், திருமெய்யமும் தீர்த்தங்களால் தனிச் சிறப்புப் பெற்றவைகளாகும். திருவெள்ளரையில் உள்ள ஸ்வஸ்திக் குளம் நான்கு துறைகளுடன் கூடியது குளிப்பவர்கள் பார்க்க முடியாது. திருமெய்யம் சத்திய தீர்த்தத்தின் சிறப்போ தாமரை மலர் தோற்றத்தில் எண்கோண வடிவில் எட்டுத்துறைகளுடன் கூடியதாகும்.


 


கோயிலுக்கு மேல் இருக்கும் கோட்டை ஒரு சின்ன குன்றின் மேல் அமைந்துள்ளது. இந்த கோட்டை ஊமையன் கோட்டை என்று அழைக்கப்படுகிறது. ஊமையன் வீரப்பாண்டிய கட்டபொம்மனின் தம்பி. இந்த கோட்டை ராமனாதபுரம் இரகுநாத சேதுபதியால்(1678) கட்டப்பட்டது. பிறகு(1728) தன் மாமன் இரகுநாத ராயத் தொண்டைமானுக்கு கொடுக்கப்பட்டது. இந்த கோட்டை ஏழு பிரகாரங்களை கொண்டவை. கடைசி பிரகாரம் தற்போது குப்பை தொட்டியாக பயண்படுகிறது.


Image hosted by Photobucket.comஇவ்வளவு பழமைவாய்ந்த கோயிலுக்கு செல்லும் வழியில் "ஷாருக்கான் ரசிகர் மன்றம்" என்ற பலகை இருப்பது விந்தை. திரும்பி வரும் போது பேருந்தில் சரத்குமார் நான்கு வேடத்தில் நடித்த "நாட்டாமை" படம் பார்த்துக்கொண்டு வந்தேன்(பேருந்தில் இரண்டு டிவி). "நாட்டாமை தீர்ப்பை மாற்றி எழுது" என்று வில்லன் கூறியவுடன் நான் இறங்கும் இடம் வந்தது. சுவாரசியமான படம்தான். நாட்டாமை - NOTஆமை.


படங்கள் உதவி: http://www.pudukkottai.org


* - *
"கேள்விகள் எதாவது உண்டா ? " என்றான் விக்கிரமாதித்தன்
"இன்னிக்கு தப்பிச்சே, கேள்விகள் கிடையாது, ஆனால் கூடிய சிக்கிரம் சந்திப்போம்" என்றது வேதாளம்.


பிகு:
நட்சத்திரபதிவாக தேர்ந்தெடுத்த காசிக்கும்.
டைம் இல்லை என்ற பொய்யை நம்பிய மதிக்கும்,
வேதாளம் போல் முருங்கை மரம் ஏரிய பிளாக்கருக்கும்,
என் கட்டுரைகளை படித்த அனைவருக்கும்,
படித்து தவராமல் '-' வாக்குகள் போட்டு என் தெனாவெட்டை அடக்கிய சிலருக்கும்
என் ஸ்பெஷல் நன்றிகள்.



Old Comments from my previous Blog


திருமயம் என்பது திருமெய்யமா?
சிறுவனாயிருக்கையில் அங்கெல்லாம் போனது நினைவுக்கு வருகிறது. பீரங்கி இன்னும் இருக்கிறதா?


தகவலுக்கு நன்றிகள்


By Thangamani, at Sun Apr 10, 04:21:56 PM IST  


தங்கமணி,
பீரங்கி இன்னும் இருக்கிறது!.


By Desikan, at Sun Apr 10, 04:28:31 PM IST  


Desikan,
Nandri. Evalavo dhoorathil irukkum padal petra thalangalukkum, mangalasaasanam seidha kovilgallukkum poi irukken, aana pala murai thirumeyyathai thaandi oorukku poi irukkenne thavira Thirumeyyam kovilukku sendradhillai. Adutha muraiyaavadhu poga vendum. Padangal arumai. Thanks


By Uma, at Sun Apr 10, 05:14:19 PM IST  


இந்த வாரமும் நன்றாக போனது. ஒரு சுற்று தமிழ்நாட்டினை வலம் வரவேண்டும். எல்லாம் மரமண்டைக்கு தாமதமாக உரைக்கிறது.


By Narain, at Sun Apr 10, 05:47:17 PM IST  


// இன்னிக்கு கடைசி நாள்... //
இனியும் எழுதுவீர்கள்தானே?...
இதைக் கேட்பது வேதாளம் அல்ல :-(


By Wordsworthpoet, at Sun Apr 10, 06:49:03 PM IST  


இதுதான் விக்ரமாதித்தன் சொன்ன கதைகளிளேயே எனக்கு மிகவும் பிடித்தது (கவர்ந்தது வேறு சிலவும்). :-)


தங்கமணி, பீரங்கி பத்திரமாக உள்ளது. மேலே ஏறி நின்று நிழற்பபடம் எல்லாம் எடுத்துக்கொண்டோம்.


By சு. க்ருபா ஷங்கர் , at Mon Apr 11, 01:30:23 AM IST  


அன்புள்ள தேசிகன்,


நல்ல வாரம்!!! நன்றாக இருந்தது! திருமெய்யம் கட்டுரையும், படங்களும் அருமை!


வாழ்த்துக்கள்!! நல்லா இருங்க!!!


என்றும் அன்புடன்,
துளசி.


By துளசி கோபால், at Mon Apr 11, 01:56:34 AM IST  


இந்த வாரம் எழுதியதில் மனதிற்கு மிகவும் பிடித்த பதிவு இது. படித்து முடித்ததும் மனதில் ஒரு அமைதி பரவியது. நன்றி தேசிகன்.


பி.கு.: நட்சத்திரம்னு இழுத்துப்போட்டாத்தானா இப்படி எழுதுவீங்க. வாரம் ஓரிரு தடவையாவது இப்படி எழுதுறது???


By மதி கந்தசாமி (Mathy), at Mon Apr 11, 02:55:00 AM IST  


மெய்யமலையானை முன்னமே பார்த்திராக் குறை தீர்த்தீர். நன்றி.
சிவன் கோயிலைப்பற்றியும் சேர்த்திருந்தால் நிறைவாக இருந்திருக்குமே!


By ஜீவா(Jeeva) (#7113738), at Mon Apr 11, 04:13:37 AM IST  


ஜீவா,
நான் போன நேரம் சிவன் கோயிலில் பழுது பார்க்கும் வேலை நடந்துக்கொண்டிருந்தது. நான் போட்டிருக்கும் முதல் படம் சிவன் கோயிலின் கோபுரம்.


மதி,
நான் திருமெய்யம், திருவெள்ளரை, திருகுடந்தை ஆகிய இடங்களுக்கு சென்றிருந்தேன். மற்றவை பற்றியும் எழுதலாம் என்று இருக்கிறேன். பார்ப்போம்.
நான் எழுதிய பதிவு எல்லாம் முன்பே எழுதிவைத்திருந்தது, எனக்கு திருப்தி இல்லை என்றால் நான் போட மாட்டேன். நட்சத்திர பதிவுக்கு வேதாளத்தை மட்டும் புதுசா கொண்டுவந்தேன்.


Wordsworthpoet,


வேதாளத்தின் தொல்லை தாங்க முடியவில்லை. விரைவில் வேதாளம்+விக்கிரமாதித்தன் கூட்டணி தொடரும்.


துளசி, க்ருபா ஷங்கர், Narain, Uma, Thangamani


உங்கள் வாழ்த்துக்களுக்கு நன்றி.


By Desikan, at Mon Apr 11, 11:00:53 AM IST  


இங்கே இன்னும் கொஞ்சம் படங்கள், முக்கியமா கிருபாஷங்கர் சொன்ன பீரங்கி படம். நன்றி பொன்னியின் செல்வன் மடலாடற்குழு.


By Yagna, at Tue Apr 12, 01:43:14 AM IST  


நல்ல பதிவு. இந்த இடங்களுக்கெல்லாம் என்றேனும் ஒரு நாள் போயே தீரவேண்டும். அந்த எண்கோண வடிவில் இருக்கும் சத்ய தீர்த்தக் குளம் பார்க்கவே அருமையாக உள்ளது. நம்மக்கள் பாரம்பரியத்தையும், கலைச்செல்வங்களையும் எந்த அளவிற்குப் பேணிப்பாதுகாக்கிறார்கள் (??) என்பதற்கு இது ஒன்றே நல்ல சாட்சி. :( ம்...
சென்ற வார நட்சத்திரமான உங்கள் பதிவுகளைத் தொடர்ந்து படிக்க முடியாததில் வருத்தம் :( ஆஸ்டிரிக்ஸ்-ஓபிலிக்ஸைத் தமிழில் கொண்டுவரப்போகிறீர்களா?


By இராதாகிருஷ்ணன், at Tue Apr 12, 04:00:44 AM IST  


யக்ஞா,
படங்கள் அருமை.


இராதாகிருஷ்ணன்,
ஆஸ்டிரிக்ஸை தமிழில் கொண்டுவர என் தமிழ் அறிவும், ஆங்கில அறிவும் கம்மி. தன்னடக்கம் என்று நினைக்காதீர்கள் அது தான் உண்மை.


By Desikan, at Tue Apr 12, 05:12:36 PM IST  


 

Saturday, April 9, 2005

அட நாம இப்படித்தான்

"நீ கேள்வி கேட்பதும், அதற்கு நான் பதில் சொல்ல முடியாமல் தவிப்பதும் இன்னும் எத்தனை நாளைக்கு" என்றான் விக்கிரமாதிதன்.
"இன்னும் இரண்டு நாளக்கு, அது வரை கொஞ்சம் 'அட்ஜஸ்ட்' பண்ணிக்கோ" என்றது வேதாளம்
"அட்ஜஸ்டா ?"
"அது என்ன கெட்ட வார்த்தையா ? நான் சொல்லக் கூடாதா?"
"கெட்ட வார்த்தை இல்லை, எப்போதும் கேட்கும் வார்த்தை" என்ற விக்கிரமாதித்தன் தொடர்ந்து எழுத ஆரம்பித்தான்.
* - *


அட நாம இப்படித்தான்


இந்தியர்கள் என்று நம்மை அடையாளம் காட்டுவது எது ? நம்முடைய பாரம்பரியமா ? சமயமா ? என்றால் கிடையாது. நம்முடைய தினப்படி நடவடிக்ககைகள் தான் நம்மை இந்தியர்கள் என்று அடையாளம் காட்டுகிறது. சிலவற்றை பார்க்கலாம்.


நம்முடைய பல நடவடிக்கைகள் conserve and recycle முறையினாலானது. சிக்கனமாக இருப்பதை பெருமையாக நினைத்துக்கொள்கிறோம். நம்முடைய உபதேசங்கள், பாடல்கள் பலவற்றில் நம்முடைய ஆசைகளை விட்டுவிட உபதேசிக்கின்றன(உத: பஜகோவிந்தம்-2 பாடல்). நாம் மகிழ்ச்சியையும் செலவையும் போட்டுக் குழப்பிக்கொள்கிறோம்.


Image hosted by Photobucket.comஇதற்கு பல உதாரணங்கள் கூறலாம். பழைய துணி, பாத்திரங்களை விற்று புது பாத்திரங்களை வாங்குகிறோம். காலி டப்பாகளில் ரோஜா வளர்க்கிறோம். எப்பாவாது உபயோகப்படும் என்று பரணில் குப்பைகளை அடைத்து வைக்கிறோம். பெப்ஸி குடித்துவிட்டு அந்த பாட்டிலை வாட்டர் பாட்டிலாக உபயோகிக்கிறோம். செல் போன் மீட்டர் ஏறாமல் இருக்க உங்கள் நண்பருக்கு "மிஸ்ட் கால்" குடுக்கிறீர்கள்.


புதிய பூப்போட்ட டிசைன் சோஃபா செட்டை வாங்கியவுடன், அழுக்காகாமல் இருக்க ஒரு துணியை போட்டு முடி விடுகிறோம். அது அழுக்காமல் இருக்க அதன் மேல் உட்காராமல் பாயில் உட்காருகிறோம்.


 


Image hosted by Photobucket.comபடிப்பு நமக்கு ரொம்ப முக்கியம். அது நமக்கு ஒரு பாஸ்போர்ட் போல். நம்முடைய பெயர் பலகையில் பெயருக்கு பின்னால் நாம் என்ன படித்தோம் என்பதை போட்டுக்கொள்வோம். டிப்ளமோ, பக்கத்து தெரு இன்ஸ்டிட்யுடில் கொடுத்த டிகிரி என்று எதையும் விட்டுவைப்பதில்லை. தற்போது எந்த படிப்பு மார்க்கெட்டில் முதலாவது இருக்கிறதோ அதற்கு மதிப்பு கொடுக்கிறோம். பெண்ணுக்கு US மாப்பிள்ளையை பார்க்கிறோம். USக்கு போனவுடன் அதை பல பேரிடம் சொல்லி மகிழ்கிறோம்.


நம்முடைய பிள்ளைகள் ஆங்கிலம் பேசுவதை பெருமையாக நினைக்கிறோம். அமெரிக்கா போனவுடன் தான் தமிழ் பற்று வருகிறது. பக்கத்து வீட்டுக்காரர் தன் பிள்ளைகளை டான்ஸ் கிளாசில் சேர்த்திருக்கார் என்று நாமும் சேர்க்கிறோம். குழந்தைகளின் ஆசையை நாம் கேட்பதே கிடையாது.


அழகாக இருக்கும் குழந்தைக்கு திருஷ்டி பொட்டு வைக்கிறோம். காருக்கு முன்னாடி எலுமிச்சம் பழத்தை தொங்கவிடுகிறோம். நல்ல செய்தியை கண்பட்டுவிட போகிறது என்று மறைக்கிறோம்.


பணம் செலவு செய்யாமல் அந்தராக்ஷரி விளையாடுகிறோம். பஜனை/ஐய்யப்பா பாடல்களை "கல்யாணம் தான் கட்டிக்கிட்டு ஓடி போலாமா" டியுனில் கேட்கிறோம். யாராவது தெருவில் சண்டை போட்டால் நின்று நிதானமாக வேடிக்கை பார்க்கிறோம். செந்தில் கவுண்டமணியிடம் அடி வாங்கும் போது ரசித்து சிரிக்கிறோம்.


எல்லாவற்றையும் ஒரே சமயத்தில் செய்து முடிக்க முயற்சி செய்கிறோம். எல்லா வகை உணவையும் ஒரே பிளேட்டில் தாலி என்று சாப்பிடுகிறோம். ஆக்ஷன், காமெடி, பாட்டு என்று எல்லாவற்றையும் ஒரே படத்தில் பார்த்துக் ரசிக்கிறோம்.


Image hosted by Photobucket.comஎங்கு சென்றாலும் நாம் நமது அடையாளங்களை விட்டுவிட்டு செல்கிறோம். லிப்ட், பொது கழிப்பிடங்கள் என்று. நம் அடையாளங்கள் இரண்டு - ஒன்று துப்புவது, மற்றொன்று கிறுக்குவது. காந்தியடிகள் ஒரு முறை - நாம் எல்லோரும் சேர்ந்து துப்பினால் இங்லாந்து முழ்கிவிடும் என்றார். ஆனால் இன்றோ எல்லோரும் துப்பினால் பல கண்டங்கள் மூழ்கிவிடும். Dr. பி.ஸ் விவேக் துப்புவதில் ஒரு சின்ன ஒரு ஆராய்ச்சியோ செய்துள்ளார் - மும்பையில் உள்ள 10% மக்கள் துப்பினால் அது வருடத்திற்கு ஐந்து லட்சம் லிட்டர் எச்சில் ஆகிறது. இதை கொண்டு மும்பையை 58 முறை முழ்கடிக்கலாம். சீ.சீ தூ.


பொது இடங்கள், பஸ் சீட்டுக்கு முன், கழிப்பிடங்கள் எல்லாவற்றிலும் "I Love ...." அல்லது, ஆண்-பெண் அசிங்கமான படம், அல்லது அட்லீஸ்டு ஒரு கெட்டவார்த்தை என்று கிறுக்கப்பட்டிருக்கும். காலி இடம் நம் கண்ணை உருத்தும்.


காம்பெவுண்ட் சுவற்றில் பிள்ளையார், காளி, ஏசுநாதர், ஒரு மசூதி என்று வரைந்து வைத்திருப்பார்கள். பக்தியினால் கிடையாது. நாம் மதில் சுவற்றில் ஒண்ணுக்கு அடிக்க கூடாது என்பதற்காக.


பாபருக்கு வேண்டும் மசூதி
ராமருக்கு வேண்டும் கோயில்
ஜனங்களுக்கு வேண்டும்
சுகாதாரமான கழிப்பறைகளேனும்
(நன்றி: மனுஷ்ய புத்திரன் )


வீட்டுக்கு வரும் விருந்தாளி நீங்கள் செய்த ஸ்வீட்டை விரும்பி சாப்பிடுகிறார். அவர் வீட்டுக்கு கொஞ்சம் பார்சல் வேண்டும் என்கிறார். நீங்கள் அவருக்கு உங்கள் வீட்டுல் உள்ள விலையுயந்த டப்பர்வேரில் கொடுக்காமல் ஒரு சாதாரன பிளாஸ்டிக் டப்பாவை தேர்ந்தெடுத்து அதில் தான் கொடுப்பீர்கள். நிறைய செய்திருந்தாலும் வீட்டில் வேலை செய்பவருக்கு அடுத்த நாள் அது கெட்டுபோக இருபது செகண்ட் இருக்கும் போது தான் கொடுக்க மனசு வரும்.


சூப்பர் மார்கெட் சென்றால் எக்ஸ்டரா கேரிபேக் எடுத்து வந்து குப்பை தொட்டிக்கு உபயோகிப்பீர்கள். கிப்ட் வந்தால் ஜிகினா பேப்பரை கிழிக்காமல் எடுத்து வைத்துக்கொள்வீர்கள். பக்கத்து வீட்டு மாமி தீபாவளிக்கு கொடுத்த பளவுஸ் பிட்டை எதிர்த்த வீட்டு மாமிக்கு கார்த்திகைக்கு கொடுப்பீர்கள். ஏரோப்பிளேனில் கொடுக்கும் பொருட்களை தவறாமல் வீட்டுக்கு எடுத்து வருவீர்கள். (கொடுத்த காசுக்கு இது கூட எடுக்கவில்லை என்றால் எப்படி என்று சமாதனம் சொல்லிக்கொள்வீர்கள்)


பிளாஸ்டிக் என்றால் நமக்கு தனி மோகம். கார் வாங்கினால் அதன் சீட்டின் மேல் இருக்கும் பிளாஸ்டிக் பேப்பரை பிரிக்கமாட்டோம். மற்றவர்களுக்கு அது புதிய கார் என்று எப்படி நம்பவைப்பது. ஃபிரிட்ஜ் பாக்கிங் காகிதத்தை எடுத்து பத்திரப்படுத்தி அதில் வடாம் காய உபயோகிப்போம். வெளிநாட்டு பொருட்களில் வரும் பிளாஸ்டிக் காகிதத்தை பத்திரபடுத்திவைப்போம். நம் செல் போன்களுக்கு பிளாஸ்டிக் சட்டை போடுவோம்.


என்ன நடிக்கிறார்கள் ? என்ன கதை ? என்ன லாஜிக் ? என்று சினிமாவை குறை கூறிக்கொண்டே பிளாக்கில் டிக்கேட் வாங்கி படம் பார்போம், அல்லது திருட்டு விசிடிக்கு அலைவோம். சீரியல்களை குறைக்கூறிக்கொண்டு, ஆபிஸிலிருந்து லேட்டாக வந்து மனைவி/அம்மாவிடம் சாப்பிடும் போது 'இன்று என்ன நடந்தது" என்று கேட்டு தெரிந்துக்கொள்வோம். வெள்ளிக்கிழமை மனைவி கோவிலுக்கு அழைக்கும் போது தலைவலி என்று சாக்கு சொல்லி, F டிவி பார்ப்போம். டிவியில் வரும் ஆணுரை விளம்பரத்தை பார்த்து முகம் சுளிப்போம். ஆனால் ஷக்கிலாவையும், மும்தாஜையும் நடு இரவில் நினைபோம்.


Image hosted by Photobucket.comஒரு இந்தியன் அட்ஜஸ்ட் என்ற வார்த்தையை ஒரு நாளைக்கு இரண்டு முறையாவது சொல்கிறான். இந்த ஆங்கில வார்த்தை தற்போது எல்லா இந்திய மொழிகளிலும் சாதாரணமாக உபயோகிக்கப்படுகிறது. "சொல்ப அட்ஜஸ்ட் மாடி", "தோடா அட்ஜஸ்ட் கரோ", "கொஞ்சம் அட்ஜஸ்ட் பண்ணுங்கோ" போன்ற வார்த்தை நாம் தினமும் கேட்பது. அட்ஜட் என்ற வார்த்தையே நம் எல்லா அகராதியிலும் அட்ஜஸ்ட் செய்து இடம் பெற்றிறுக்கிறது.


பஸ்சில் ஒருவர் காலை மிதித்தால், ஃபுட்போர்டில் தொங்கி பஸ்சிற்குள் செல்லும் போது, தூங்கி பக்கத்து சீட்டில் இருப்பவர் மேல் சாயும் போது, டிரேயினில் உட்கார இடம் கேட்கும் போது, ரசத்தில் உப்பு அதிகமாக இருக்கும் போது, ஹோட்டலில் சாம்பார் இல்லாத போது, பார்கிங்கில் இடம் கிடைக்காமல் பக்கத்தில் இருக்கும் காரின் கண்ணாடியை மடக்கிவிட சொல்லும் போது,
மாமியாரால் சித்திரவதை பட்டு பிறந்த வீட்டுக்கு வரும் பெண்ணுக்கு அம்மா கூறும் அறிவுரை "நீ தான் கொஞ்சம் அவர்களை அட்ஜஸ்ட் பண்ணிக்கணும்'. சினிமா வில்லன் "கொஞ்சம் அட்ஜஸ்ட் பண்ணிக்கிட்டே உன்னை ராணி போல் வைத்துக்கொள்வேன் இல்லை... " என்று சகட்டுமெனிக்கு நாம் தினமும் அட்ஜஸ்ட் என்ற வார்த்தையை உபயோகிக்கிறோம்.


ராஜிவ் காந்தி கொலை வழக்கில் ஜஸ்டிஸ் M.C.ஜெயின் ஒரு முறை கொஞ்சம் கடுப்பாகி "I think I am adjusting too much" என்றார். டைம்ஸ் (செப் 27 பதிப்பில்) இந்திய அதிகாரி ஒருவர் "India would offer to "adjust" the Line of Control by a matter of miles" என்று சொன்னதாக குறிப்பிடபட்டுள்ளது.


Image hosted by Photobucket.comகுப்பை போடுவதில் நாம் வல்லவர்கள். அதில் பலவிதம். அபார்ட்மெண்டில் வாழ்பவர்கள், குப்பையை விட்டிலிருந்து பால்கனிக்கு எடுத்து செல்வார்கள் பிறகு நியூட்டனின் புவியிற்ப்பு சக்தி மற்றவற்றை பார்த்துக்கொள்ளும். பால்கனியில் தலை வாரும் பெண்கள், சீப்போடு வரும் தலைமயிரை சுருட்டி கீழே போடுவார்கள். அது அடுத்த பால்கனியில் விழும். இது வருடத்தின் 365 நாட்களும் நடக்கும் (இதில் லீப் இயரும் அடங்கும்). காரில் போகும் போது, பிரிட்ஜ் அல்லது மேம்பாலம் வந்தால் சிப்ஸ் பாக்கேட், சாக்கிலேட் பேப்பர் போன்றவற்றை தூக்கி போட நாம் குழந்தைகளை பழக்குகிறோம்.


Image hosted by Photobucket.comபப்பு, டிங்கு, குக்கூ, டோலி, டிட்டு, குட்டு, ஜில்லு, கிச்சு, சேச்சு என்ற வார்த்தைகள் அகராதியில் இல்லை ஆனால் அவற்றை தினமும் நாம் உபயோகிக்கும் வார்த்தைகள். குழந்தைகளை கூப்பிடும் பெயர்கள். இது எப்படி ஒரு குழந்தைக்கு வைக்கபடுகிறது என்று யாராவது ஆராயலாம். கிருஷ்ணா - கிச்சாவகவும், சேஷாத்திரி 'சேச்சு'வாதும் எழுதப்படாத விதி.


என்னுடைய பழைய கம்பெனியின் CEOவுடன் ஒரு முறை தாஜ் ஹோட்டலுக்கு லஞ்சுக்கு சென்றிருந்தோம். அப்போது எங்கள் CEOவின் நெருங்கிய நண்பர் அவரை "ஏய் டிங்கு இங்க எப்படி" என்று அவரை அழைத்தார். எங்கள் CEO முகத்தில் ஒரு வேதனை கலந்த புன்னகையை பார்க்க முடிந்தது.


Image hosted by Photobucket.comபேரம் பேசுதல் என்பது நம் பிறவி குணம். பெண்கள் இதில் வல்லவர்கள். பூக்காரி, கீரைக்காரி, துணிக்கடை என்று எதையும் விட்டுவைக்கமாட்டார்கள். சில கடைகளில் "Fixed Price" என்று போட்டப்பட்டிருந்தாலும் நாம் பேரம் பேசுவோம். சரவண பவனில் 60 ரூபாய்க்கு ஃபிரைட்ரைஸ் சாப்பிடுவோம், ஆனால் வேளியே பார்க்கிங்கில் இரண்டு ரூபாய்க்கு சண்டை போடுவோம். ஒரு முறை என் நண்பனும் நானும் அமெரிக்காவில் ஒரு கடைக்கு சென்றிருந்தோம். என் நண்பன் ஒரு பொருளை எடுத்து இதை $2 க்கு கொடுக்க முடியுமா என்றான். கடைக்காரர் அந்த பொருளை அவனுக்கு இலவசமாக கொடுத்தார். அது தான் அவன் கடைசியாக பேரம் பேசியது.


Image hosted by Photobucket.comநாம் Letter Head வைத்துக் கொள்வதே ரெகமண்டேஷன் எழுதுவதற்குத் தான். பாஸ்போர்ட், ரெயில்வே டிக்கெட், காலேஜில்/ஸ்கூல் சீட், போலிஸ் கேஸ், வேலைக்கு, சாக்கடை அடைப்புக்கு, வண்டி லைசன்ஸ் என்று எல்லாவற்றிருக்கும் இதை உபயோகிக்கிறோம். இந்திய கிரிக்கெட், அரசியல், சினிமா சென்சார் என்று இதில் எதையும் வீட்டுவைக்கவில்லை. ஏன் நம் குழந்தைகளே எதாவது வேண்டுமானல் அம்மவிடம் ரெகமெண்டேஷனுக்கு செல்கிறார்கள்.


டிராபிக் சிக்கினலில் மஞ்சள் கலர் மாறியவுடன், உடனே ஹார்ன் அடித்து முன்னால் இருப்பவருக்கு BPயை ஏற்றுவோம், அவர் திரும்பி பார்த்தால் நாம் வேறு எங்காவது திரும்பிக்கொள்வோம் அல்லது மேலே பறக்கும் காக்காயை ரசிப்போம்.


லேட்டாக வருவது என்பது நமக்கு ஒரு ஃபேஷன். அரசியல் விழாக்களில் தலைவர் லேட்டாகத்தான் வருவார். "இதோ வருகிறார், இதோ வருகிறார்" என்று ஸ்பீக்கரில் அலரிக்கொண்டேயிருக்கும். கல்யாணத்தில் மாப்பிள்ளை வீட்டுக்கார்கள் லேட்டாகதான் வரவேண்டும் அப்போதுதான் அவர்களுக்கு மரியாதை. கவர்மெண்ட் ஆபிஸில் காலை ஒன்பது மணிக்கு போய் எப்ப சார் ஆபிஸரை பார்க்கலாம் என்றால் பியூன் நம்மை ஒரு மாதிரி பார்பார். ஏன் சினிமாவில் கூட போலிஸ் லேட்டாகத்தான் வரும்.


எதையும் போட்டு குழப்பிக்கொள்வோம். ஆகஸ்ட் 15 சுதந்திர தினமா, குடியரசு தினமா?. ஜார்கண்டில் சிபுசோரனா ? சிம்ரனா ?
சினிமாவில் அரசியலும், அரசியலில் சினிமாவையும் போட்டு குழப்பிக்கொள்வோம்.


ஜாதி இருக்க கூடாது என்று சொல்லிக்கொள்வோம். ஆனால் மேட்ரிமோனியலில் ஜாதியின் பெயரை ஸ்பெலிங் மிஸ்டேக் இல்லாமல் கொடுப்போம். யாரையாவது திட்ட வேண்டும் என்றால் ஜாதியின் பெயரை உபயோகிப்போம்.


தேவ பாஷையில்
தேர்ச்சி மிக்க சாஸ்திரி ஒருவர்
சபையில் சொன்னார்;
"ஜாதி வேண்டும்"
"ஜாதி வேண்டும்:"


உடனே சீறி
ஒரு தமிழ் மறவர்
ஓங்கிக் கத்தினார்;
"ஓய் ஓய், இனிநீர்
ஜாதி வேண்டும்
என்றால் பொருமையாய்
இருக்க முடியாது என்னால்
சரியாய்ச்
சாதி வேண்டும்
என்றே சாற்றும்"
(நன்றி: மீரா)


வெளி வேஷத்திற்கு நிறைய முக்கியத்துவம் கொடுப்போம். நாம் கருப்பாக இருந்தாலும் நமக்கு அமையும் மனைவி சிகப்பாக இருக்க வேண்டும். நன்றாக டிரஸ் செய்து கொள்வோம் ஆனால் உள்ளே கிழிந்த பனியன் போட்டுக்கொள்வோம். வரவேற்பறையில் சுவாமி விவேகானந்தர், ரமண மகரிஷி புத்தகங்கள், டாய்லட்டில் குமுதம் நடுப்பக்கம்.


Image hosted by Photobucket.comசமயத்துக்கு தகுந்தார் போல் rulesயை மாற்றிக்கொள்வோம். காலில் போப்பரை மிதித்தால் சரஸ்வதி என்று கண்ணில் ஒற்றிக்கொள்வோம், அமெரிக்கா சென்றவுடன் டாய்லட் போனவுடன் டிஸ்யூ பேப்பரால் துடைத்து போடுவோம். ராத்திரி பத்து மணிக்கு மேல் ஒன்வேயில் போவோம். க்யூக்களை மீறுவோம். ஆர்.டி.ஓ, கார்ப்பரேஷன் அலுவலகத்தில் பணம் கொடுத்து சலுகைகள் வாங்குவோம்.


லஞ்சம் என்பது கடவுளிடமிருந்து ஆரம்பிக்கிறது. பரிட்சையில் பாஸ் செய்தால் தெரு பிள்ளையாருக்கு ஒரு தேங்காய். கொஞ்சம் கடினமான காரியம் என்றால் திருப்பதி வேங்கடாசலபதிக்கு உங்கள் சம்பளத்தில் ஒரு பங்கு கமிஷன் என்று லஞ்சத்தை கடவுளிடமிருந்து ஆரம்பிக்கிறோம். இதை நம் குழந்தைகளுக்கும் சொல்லிக்கொடுக்கிறோம்.


நன்றாக யோசித்துப் பார்த்தால் இது எல்லாம் நாம் கலாச்சார வாழ்வில் நீக்கமற நிறைந்திருக்கின்றன. பிரச்சனைகளை தவிர்ப்பதை விட அதனோடு வாழ்ப் பழகிக் கொள்வது நமக்கு சிக்கலற்றதாகிறது. இந்தியாவில் உள்ள பிரச்சினைகளுக்கு இந்த அட்ஜஸ்ட்மெண்ட் மட்டும் இல்லாவிட்டால் எப்போதோ புரட்சி வந்திருக்கும். விட்டுக் கொடுத்தலும் சமாதான சக வாழ்வும் இந்தியர்களின் தன்மையாகிறது. நாம் ஒவ்வொருவரிடமும் பல நல்ல மற்றும் சில கொல்ல வேண்டிய குணங்கள் இருக்கிறது என்பது மறுக்க முடியாத உண்மை.


* - *
"நீ நல்லவனா? கெட்டவனா ?" என்று நாயகன் கமல் ஸ்டைலில் கேட்டது வேதாளம்
"கடவுள் பாதி மிருகம் பாதி" என்றான் விக்கிரமாதிதன்.


Week பத்திரிக்கையில் வந்த கட்டுரையை தழுவி எழுதியது. படங்கள் உதவி: The Week.



Old comments from my previous Blog


கலக்கல்!


By மதி கந்தசாமி (Mathy), at Sat Apr 09, 09:09:21 AM IST  


தேசிகன் அண்ணாச்சி... பின்னிட்டீங்க... நம் இந்தியர் அதிலும் குறிப்பாக தமிழரின் மனதை நன்கு அறிந்து வைத்திருக்கிறீர்கள்!!!


By Moorthi, at Sat Apr 09, 10:27:05 AM IST  


desikan,


romba perusa irrukku.... kitta thatta naan itha padichu mudikkarthukulla oru rendu coffee, rendu tharava thanni, appuram oru break edukka vendiyatha pochu. :).
onnu full-la siripa eduthuttu poi irrukkalam... illati full-la serious eduthuttu poi irukkalam... oru desi english padam patha oru unarvu... indian indians pathi ezhuthina ippadi than irrukkum pola... innum solla pona neenga tamizh padatha pesina mathiri irrukku onga article
ithu onga style illa... eppavathu ithu mathiri ezhuthanum-nnu thonina vera oru blog vachi konga... ithu ennavo katha vilasam ramakrishnna ezhuthina mathiri irrukku..
nethikki naanum enga nanbargalum pesi kittu irunthom.. namma india pathi pesarappa ethukku eduthalum population, politics ithu rendu melaiyum eppodhum pazhi podarom.. but japan-la nammaloda population density athigam.. anga ellam oru alavu india-voda nalla irukku.. nammalum maruvom... india-vukkum oru nalla kalam varum..
thani patta karuthu... ithu mathiri ezhutharappa konjam nammala pathi nallathum ezhuthunga..
ithoda niruthikkaren... appadi illati ennoda comments onnoru oru article ayida poguthu...


By kicha, at Sat Apr 09, 10:48:01 AM IST  


சரி பண்ணிக் கொண்டு போவதைப் பற்றி மிகச் சரியாகச் சொன்னீர்கள். கூர்ந்த கவனிப்பு


அன்புடன்,
இராம.கி.


By Krishnan, at Sat Apr 09, 10:52:35 AM IST  


8620.69 லிட்டர் நீரில் மும்பை மூழ்கி விடுமா தலைவா?


By ந. உதயகுமார், at Sat Apr 09, 10:56:07 AM IST  


நன்றாக எழுதியிருக்கிறீர்கள். அதேப் போல இந்த மென்பொருள் மக்கள் செய்யும் அலம்பலையும் சேர்த்திருக்கலாம் ;-)மாற்றங்கள் உடனடியாக வந்துவிடாது. ஆனாலும், 57 வருடங்கள், கொஞ்சம் லேட்டுதான். இருந்தாலும், மாற்றங்கள் என்பது தனிமனித அளவில் தொடங்கவேண்டும்.


By Narain, at Sat Apr 09, 11:22:19 AM IST  


அன்புள்ள தேசிகன்,


// நீங்கள் அவருக்கு உங்கள் வீட்டுல் உள்ள விலையுயந்த டப்பர்வேரில்
கொடுக்காமல் ஒரு சாதாரன பிளாஸ்டிக் டப்பாவை தேர்ந்தெடுத்து அதில்
தான் //


இது மட்டும் ஏன் தெரியுமா? நல்ல டப்பாலெ கொடுத்தால் அவுங்க நம்ம டப்பாவைத்
திருப்பித்தரும்போது ஏதாவது அதுலே 'போட்டுக் கொடுக்கணும்'( காலி டப்பாவாத் தரக்கூடாதாம்!)
என்ற அனாவசிய சம்பிரதாயத்தை மாத்தறதுக்குத்தான்.


பழைய டப்பா போனால் போகட்டும். அவுங்களும் உள்ளே இருக்கரதை எடுத்துட்டு டப்பாவை குப்பையிலே
வீசிடலாம். இல்லையா?


என்றும் அன்புடன்,
துளசி.


By துளசி கோபால், at Sat Apr 09, 01:40:47 PM IST  


'தேசிகன் இது உங்கள் ஸ்டைல் இல்லை' என்று கிச்சா சொல்வதையேதான் நானும் சொல்ல விரும்புகிறேன். அத்துடன் கவிதைகளை மேற்கோள் காட்டிய இடங்களில், அவை வலிய திணித்த மாதிரி துருத்திக் கொண்டு நிற்கிறது. இந்த வார நட்சத்திரமாக... நிஜ நட்சத்திரமாக இருந்த பதிவுகளில் இது எனோ ஒட்டவில்லை - என் கருத்தில் - சந்திரன்.


By நாலாவது கண், at Sat Apr 09, 02:55:23 PM IST  


whoever says this isn't desikan style should learn to 'adjust'. read the post again ;-) I liked it.


By Lazy Geek, at Sat Apr 09, 08:12:15 PM IST  


கருத்து சொன்ன அனைவருக்கும் என் நன்றி.
- தேசிகன்.


By Desikan, at Sun Apr 10, 03:07:17 PM IST  


I think the article could have been a little better if it could have highlighted some concrete steps to improve things instead of only highlighting the negative aspects.


By Anonymous, at Fri Apr 15, 12:24:37 PM IST  


இப்போது எழுதும் எல்லோருக்கும் சுஜாதாவின் சாயல் வருவது தவிர்க்க முடியாததாகி விட்டது. சிலர் கஷ்டப்பட்டு அதை சரி பண்ண முயன்றாலும், சிலர் அதைக் கண்டுகொள்வதே இல்லை.


சுஜாதா மூலவர் என்றால் தேசிகன் உற்சவர் என்கிற அளவில்தான் இருக்கிறது உங்கள் ஆக்கங்கள். அதிலும் குறிப்பாக இந்தப் பதிவு.


கொஞ்சம் சிரத்தை எடுத்து செய்தீர்கள் என்றால் ரங்கராஜ வாசனை குறையும்.


வேண்டுமென்றே செய்கிறீர்கள் என்றால்....


வாழ்த்துகள் :-)


By Mookku Sundar, at Sat Apr 16, 04:50:21 AM IST  


 

Friday, April 8, 2005

Blog, Email, Phone, SMS

"இன்னிக்கு என்ன எழுதப்போற" என்றது வேதாளம்
"இன்னிக்கு திரு.ராமசாமி பற்றி எழுதப்போறேன்" என்றான் விக்கிரமாதித்தன்.
"என்ன ? திரும்பவும் ராமசாமியா ? ஜாக்கிரதை" என்று எச்சரித்தது வேதாளம்
"அட இது வேற ராமசாமிப்பா" என்ற விக்கிரமாதித்தன் மேற்கொண்டு எழுத ஆரம்பித்தான்.


* - *
Blog, Email, Phone, SMS.
நாளை திரு.ராமசாமி வீட்டுக்குப் போகிறேன். அவர் டையரியில் என் வலைப்பதிவை பற்றிய கருத்துக்களை எழுதியுள்ளாராம்.


Blog:
நான் வலைப்பதிவு ஆரம்பித்து சுமார் பத்து மாதம் ஆகிறது. 'பெண்'களூர் பற்றி எழுதியவுடன் நிறைய பெண்கள் என் பக்கத்திற்கு வந்து பாராட்டிவிட்டு போனார்கள். அப்படி வந்தவர்களில் லதாவும் ஒருவர். பெங்களூர் வாசி. அவர் அப்பா பெயர் ராமசாமி. சொந்த ஊர் திருச்சி.
என் வலைப்பதிவை படித்துவிட்டு அவர் எனக்கு அனுப்பிய ஈ-மெயில்...
Email:
Dear Mr.Desikan,


Namaskaram. My Name is Ramaswamy. I understand from my daughter Latha that you write articles in the Internet. I got the chance of reading your articles. God has gifted you with a very good writing skill. And I am also very happy to note that you have got this good opportunity to express your writing skills. I have read some of your articles, ones that come to my mind immediately is what you have written about your father, about Sujatha, your family and about SriRangam. I am from Trichy and reading your articles brought back nostalgic memories. Thank You! I do not know how to give my comments or compliments in the article. So I have written down my comments about your articles in a book. I take this opportunity to invite you to our home. Please visit us alongwith your family when you are free. There is one thing that I want to mention here. In your article about SriRangam, have you mentioned anywhere about Thulakanachiyar. I did not see any reference to it. I do not know if I have missed reading it. I am not very adept in using the computer. In this day of community fights and religion massacres, it is an important fact that even today in SriRangam, among all Aaazhvaars, Thulakanaachiyar, after Abishekam is first adorned with a Lungi and Vazhipaadu is also done in muslim style. I do not have all the facts with me. Maybe I am wrong too. But it will be highly appreciated if you can send me the right details about this, if you have not done this already. Children today do not evince much interest in our tradition and heritage and culture. When you find time, also write about Kumbakonam Oppiliyappan Temple. That temple town is also a treasure to research on.


Please accept my respects and admiration for having attained a recognition from someone as great as Sujatha (Mr.Rangarajan). I am an ardent fan of Mr.Rangarajan and have been one of his millions of fans from the day he started writing. It is a pleasure to know someone like you, though not belonging to Mr.Rangarajan’s family, has access to his books. They say it takes one talent to recognize another. Whenever you speak to Mr.Rangarajan next, kindly tell him that I am a long time reader of his books and admire him a lot. Also convey my humble regards. Thank you.


My sincere wishes to Mrs.Sujatha Desikan and your daughter Aandal. I suppose my daughter Latha must have told you that I wanted to name her Aandal. Owing to a lot of pressure from relatives and friends I had to name my daughter anything but Aandal. I do not know if I still regret it, but that time I thought it was not right to break so many hearts, importantly my wife’s, just to make myself happy. But I am very happy that your small child is called so. My blessings and wishes are with her.


Sincerely,
Ramaswamy.


இந்த ஈ-மெயில் வந்த அடுத்த வியாழன் லதா என்னை தொலைபேசியில் அழைத்தாள்.
Phone"தேசிகன், This week'nd I will be in Chennai will you be available ?"
"இருப்பேனே..."
"I want to go to Booklands and Appa would also like to meet you.."
"தாராளமா வாங்க. என் வீட்டுக்குப் பக்கத்தில் தான் New Booklands இருக்கிறது. It is my pleasure, I will take you there"


ஆனால் ஞாயிற்றுக்கிழமை அவர்களால் என்னை சந்திக்க முடியவில்லை. திங்கட்கிழமை மதியம் குருவிடமிருந்து எனக்கு ஒரு SMS வந்தது. அது....
SMS:"Heard that latha's dad expired y'day. wanted to inform U"


* - *
"உன் வலைப்பதிவை பற்றி என்ன எழுதியிருப்பார் ?" என்றது வேதாளம்.
"தெரியாது" என்றான் விக்கிரமாதித்தன் உண்மையாகவே.



Old Comments from my previous Blog


அதிர்ச்சியும் வேதனையும்....


By அல்வாசிட்டி.விஜய், at Fri Apr 08, 03:16:22 PM IST  


நல்ல கதை. ஆனால், எனக்கு சட்டென்று ஞாபகத்துக்கு வந்த வரிகள்:


>>"கதை நன்றாகப் போய்க் கொண்டிருக்கிறது, முடிவை நானே படிச்சிக்கிறேன்" என்றார்.


>>அடுத்த ஞாயிற்றுக்கிழமை என் அப்பா திடீரென்று இறந்து போனார் என்று செய்தி கேட்டு திருச்சிக்குச் சென்றேன். கடைசிவரை அவர் அந்தக் கதையின் முடிவைத் தெரிந்து கொள்ளவே இல்லை.


:-)


By சுபமூகா, at Fri Apr 08, 06:51:51 PM IST  


Quite different approach.
For first time i'm surprised with the heading. I thought u were going to discuss about Blog, email, Phone, SMS. But after reading your article on GPS it doesn't make sense to me. I read the whole article forgetting all about the heading. Only after reading the heading I got the catch in the article. Very interesting.


Let me know how to post the comments in Tamil.
My email id
"anandham@linuxmail.org".


It really anandham to read ur Blog.


By Anandham, at Fri Apr 08, 07:05:50 PM IST  


Desikan,
Though I had known about this incident from you earlier, I was very much moved (again!) reading the letter written by Mr.Ramaswamy.


The earlier 'pathivu' on AndAl too was excellent. I fondly hope that your daughter becomes a better artist (drawing) than YOU ;-)


enRenRum anbudan
BALA


By Anonymous, at Fri Apr 08, 07:43:38 PM IST  


என்னங்க தேசிகன்,


படிச்சுட்டு மனசுக்குக் கஷ்டமாப் போயிடுச்சே!


என்றும் அன்புடன்,
துளசி.
பி.கு:


நட்சத்திரப் பதிவுகள் அமர்க்களமாப் போகுது!!! வாழ்த்துக்கள்


By துளசி கோபால், at Sat Apr 09, 01:41:55 AM IST  


supamuga, this wasn't meant to be a tory. It happened truly.


By Lazy Geek, at Sat Apr 09, 08:13:53 PM IST  


சுபமூகா,


இது கதை கிடையாது. இது எனக்கு நிகழ்ந்த வருத்தமான ஒர் அனுபவம். கவினித்தால் எந்த தொழில் நூட்பம் வந்தாலும்(Blog, Email, Phone, SMS) மனித உறவுகள் மாறாது இருப்பது தான்.


By Desikan, at Sun Apr 10, 04:02:45 PM IST  

Thursday, April 7, 2005

என் பேர் ஆண்டாள்-0 2

என் பேர் ஆண்டாள் - 2


 

"நேற்று GPS பற்றி எழுதினது நன்றாக இருந்தது, டையம் கிடைக்கும் போது அதை தமிழில் மொழிபெயர்க்கலாம் என்று இருக்கிறேன்" என்றது வேதாளம்
"நான் தமிழில்தானே எழுதியிருந்தேன்" என்றான் விக்கிரமாதித்தன்.
"அதில் உள்ள் ஆங்கில வார்த்தைகளை பார்த்தால் அப்படி தெரியவில்லை.."
"என்ன நக்கலா ? சரி இன்று என் பெண் எழுதப்போறா" என்ற விக்கிரமாத்தித்தன் தன் மகளை எழுதச் சொன்னான்.


* - *
என் பேர் ஆண்டாள் - 2


Image hosted by Photobucket.com


 


Image hosted by Photobucket.comஎனக்கு பர்த்டே முடிஞ்சு ஆறு மாசம் ஆச்சு. அப்பா சைக்கிள் வாங்கித்தர்றேன்னு சொன்னா ஆனா, இன்னும் வாங்கித்தரல. எனக்கு பிடிச்ச ரைம் "Rain Rain go away". அப்பா சொல்ரா மெட்ராசில மழையே இல்லை இதை எதுக்கு பாடரன்னு.


 


Image hosted by Photobucket.com எனக்கு பிடிச்ச toy ஆப்பாவோட லாப்டாப் தான். அப்பா அதை தரமாட்டேங்கிறா. ஒரு நாள் அப்பா துங்கரப்ப நைஸா எடுக்கப்போறேன். இப்போ எனக்கு லீவ் அதனால கார்த்தால பல்தேச்சிட்டு Mulan படம் பாப்பேன், அப்பறம் Nemo, அப்பறம் Tom & Jerry, அப்பறம் ராத்திரி Pogoல Mr.Bean, அப்பறம் தூங்கிடுவேன்.


 


 


 


Image hosted by Photobucket.comஇப்போ "அ ஆ இ ஈ" எல்லாம் நல்லா வரையறேன். அப்பா சொல்லித்தந்தா. 'ஃ' எனக்கு ரொம்ப ஈஸி. மூணு டாட் வெச்சா போறும். 'இ' ரொம்ப கஷ்டம் தெரியுமா?. அம்மா பாட்டு சொல்லிதருவா. இன்னும் சுருதி சரியா சேரலைன்னு சொல்லரா. என்னால அவ்வளவு தான் முடியும்னு அம்மாவுக்கு தெரியலை.


Image hosted by Photobucket.comபோன வாரம் டிரெயின்ல பெங்களூர் போனேன். ரொம்ப குளிர்ன்னு அப்பா சொன்னா. லைட்டா சில்லுனு இருந்தது அவ்வளவுதான். ஒரு நாள் morning என்னை டிரஸ் பண்ணி Ryan ஸ்கூல சாக்கிலேட் தருவா வான்னு அப்பா, அம்மா கூட்டிண்டு போனா. அங்கே ஒரு மிஸ் என்னை ஒரு கிளாஸ் ரூமுக்கு அழைச்சுண்டு போனா.
"What is your name?"
"Andal"
"Nice Name"
"What is this ?"
"Apple"
"This ?"
"Elephant"
சாக்லேட் கொடுத்தா வாங்கிண்டு வந்தேன். தாங்க்ஸ் சொல்ல மறந்துட்டேன்.


Image hosted by Photobucket.com UKG இந்த ஸ்கூல்ல தான் சேரப்போரேன். என் கிட்ட அப்பா ஒரு வார்த்தை பிடிச்சிருக்கான்னு கேட்கவேயில்லை. பழைய ஸ்கூல்ல எனக்கு நிறைய friends இருக்கா. அப்பாவுக்கு இதெல்லாம் தெரியல. ஹம்சினின்னு ஒரு ஃபிரண்டு இருக்கா. எனக்கு ஒரு சூப்பர் ரைம் சொல்லி குடுத்தா..அதை சொல்லட்டுமா ?
பாலாஜி பஜ்ஜி
ஃபிரிட்ஜ் குள்ள ஐஸ்
ஐஸ் குள்ள தண்ணி
தண்ணி குள்ள நுரை
விட்டான் பாரு அரை.


 


Image hosted by Photobucket.com எனக்கு பிங்க் கலர் ரொம்ப பிடிக்கும். பிங்க் கிரேயான்ல வீட்டு wallல் நல்லா வரைஞ்சியிருக்கேன். ஆத்துக்கு வந்தா காமிக்கிறேன். ஆனா அம்மா wallல கிறுக்கக் கூடாதுனு சொல்ரா.
மைலாப்பூரில ஒரு கோயில் இருக்கு எனக்கு ரொம்ப பிடிக்கும். அப்பாவோட weekendல போவேன். கேசவா உம்மாச்சி இருக்கு. அங்கே ஒரு மாடு இருக்கு பிளாக் கலர். நா அதுக்கு கிரை கொடுப்பேன். சமத்தா சாப்புடும். நான் சாப்பிடர சீட்டோஸ் அதுக்கு பிடிக்காது. சொல்ல மரந்துட்டேனே அதுக்கு ஒரு பேபி மாடு இருக்கு அதுவும் பிளாக் கலர்.
இன்னும் இரண்டு மாசத்தில பெங்களூர் வந்துடுவேன் அப்பறம் நிறைய பேசரேன். பை.
(நான் ரிசண்டா வரஞ்ச பிக்சர்ஸ். நல்லாயிருக்கா ?)


* - *
"சரி, பிறந்த நாள் முடிஞ்சு ஆறு மாசம் ஆச்சு நீ எப்போ ஆண்டாளுக்கு சைக்கிள் வாங்கித்தரப்போற ?" என்றது வேதாளம்
"என்ன கேட்ட, காதில் சரியா விழவில்லை" என்று விக்கிரமாதித்தன் பொய் சொன்னான்.



Old comments from my previous Blog


ஆண்டாளின் - மனசில் தோன்றியதை அப்படியே சொல்லி விட்ட - செல்லப் பேச்சு நல்லாயிருக்கு.


By Chandravathanaa, at Thu Apr 07, 10:38:43 AM IST  


ரொம்ப சூட்டிகையான குழந்தை.. சீக்கிரமே சைக்கிள் வாங்கி கொடுத்து விடுங்கள்.


By சுரேஷ் (penathal Suresh), at Thu Apr 07, 10:48:17 AM IST  


//பாலாஜி பஜ்ஜி
ஃபிரிட்ஜ் குள்ள ஐஸ்
ஐஸ் குள்ள தண்ணி
தண்ணி குள்ள நுரை
விட்டான் பாரு அரை.//


இந்த ரைம்தான் சூப்பர்.
படங்களும் சூப்பர் என்று உங்கள் பெண்ணிடம் சொல்லுங்கள்!


By Thangamani, at Thu Apr 07, 10:48:22 AM IST  


தேசிகன்: ஆண்டாளுக்கு கொரியன் மாமாவின் அன்பு முத்தங்கள். உங்கள மிஞ்சுறா இப்பவே :-) நேற்று பிரெஞ்சு-தமிழ் மொழி பெயர்ப்பு பற்றிப் பேசும் போது குட்டி இளவரவசன் பற்றிச் சொல்ல வேண்டுமென நினைத்தேன். எவ்வளவு அபாரமான மொழிபெயர்ப்பு! ஆண்டாளின் படங்களைப் பார்த்தவுடன் குட்டி இளவரசன் ஞாபகம் வந்தது. இந்தக் குட்டி இளவரசியை வைத்து ஒரு 'படம் பார்த்து கதை சொல்' கொண்டு வாருங்கள். முன்பு ஐயர் மலரில் எழுதினேன், குழந்தை இலக்கியம் என்பது குழந்தைகளுக்காகவும், பெரியவர்களுக்காகவும் குழந்தைகள் எழுவது என்று. இது குழந்தைகளுக்காக பெரியவர்கள் எழுதுவதற்கான மாற்று. இந்த ஆண்டாளைப் பார்த்தால் 'அந்த ஆண்டாள்' பொய்யில்லை என்றுதான் தோன்றுகிறது!


By N.Kannan, at Thu Apr 07, 02:20:51 PM IST  


ஆஹா,அருமையான பதிவு.


ஆண்டாள்-3 க்குக் காத்திருக்கிறேன்


By காசி (Kasi), at Thu Apr 07, 06:51:55 PM IST  


Would love to see Andal's photo.:)
'Thayai pola pillai' madhiri 'Thandhaiyai pola pillai' , Ippove padam varaiyarale!!


By Kika Gops, at Thu Apr 07, 09:34:57 PM IST  


Thanks Desigan,
I used hello+picasa


By Kika Gops, at Thu Apr 07, 09:36:31 PM IST  


அன்புள்ள தேசிகன்,
ஆண்டாள் கலக்கலா பேசறா...
எல்லாம் ரொம்ப நன்னாயிருந்ததுன்னு கொழந்தைட்ட சொல்லுங்கோ :)
- அன்புடன் அருண்


By Anonymous, at Fri Apr 08, 12:26:45 AM IST  


The previous post is by me
http://arunhere.com/pathivu


By Anonymous, at Fri Apr 08, 12:27:38 AM IST  


ஆண்டாளை ஒரு தடவை நேர்ல பார்த்தா சொல்லணும், "உங்க அப்பா வரைஞ்ச படம் எல்லாம் நீ வரையற மாதிரியே தத்ரூபமா இருக்கே!"ன்னு.


By S Krupa Shankar, at Fri Apr 08, 05:05:07 AM IST  


ஆண்டாளுக்கு வாழ்த்துகள். அருமையான பதிவு.
என்றென்றும் அன்புடன்,
சீமாச்சு


By Anonymous, at Fri Apr 08, 05:52:54 AM IST  


ச்சோஓஓஓஓஒ க்யூட் ! ஆண்டாள் இப்பவே இந்தப்போடு போடறாளே,.. இனிமே ஆண்டாளே எழுதட்டும். ஒரு ப்ளாக் தெறந்துகுடுத்துடலாம். எல்லா நலமும் பெற்று இனிது வாழ்க குட்டி ஆண்டாள் ! ¡µµµ´ ìäð ! ¬ñ¼¡û þôÀ§Å þó¾ô§À¡Î §À¡¼È¡Ç¡ !
þÉ¢§Á ¬ñ¼¡§Ç ±Ø¾ðÎõ,. : )
¬ñ¼¡û ú¢¨¸,..¡µµµ´ ìäð ! ¬ñ¼¡û þôÀ§Å þó¾ô§À¡Î §À¡¼È¡Ç¡ !
þÉ¢§Á ¬ñ¼¡§Ç ±Ø¾ðÎõ,. : )
¬ñ¼¡û ú¢¨¸,..¡µµµ´ ìäð ! ¬ñ¼¡û þôÀ§Å þó¾ô§À¡Î §À¡¼È¡Ç¡ !
þÉ¢§Á ¬ñ¼¡§Ç ±Ø¾ðÎõ,. : )
¬ñ¼¡û ú¢¨¸,..


By ஜெயந்தி சங்கர், at Fri Apr 08, 07:06:50 AM IST  


வாவ் அருமையா இருக்கு குழந்தையோட பேச்சு மாதிரியான பதிவு. ரொம்ப புதுசா வேற இருக்கு. இறுக்கமாக எந்த பதிவு பார்த்தாலும் வேதனை தான் மிஞ்சும் இந்த சமயத்துல மனசுக்கு சந்தோஷமா ஒரு பதிவு....


குழல் இனிது யாழ் இனிது என்பர் மழலைச் சொல் கேளாதவர்.


இதான்யா இன்பம்..


By அல்வாசிட்டி.விஜய், at Fri Apr 08, 08:38:58 AM IST  


//UKG இந்த ஸ்கூல்ல தான் சேரப்போரேன். என் கிட்ட அப்பா ஒரு வார்த்தை பிடிச்சிருக்கான்னு கேட்கவேயில்லை. பழைய ஸ்கூல்ல எனக்கு நிறைய friends இருக்கா. அப்பாவுக்கு இதெல்லாம் தெரியல.//


நம்முடைய கனவுகளை, நம் குழந்தையின் கண்களில் காண விழைகிறோமா? :-(


By Wordsworthpoet, at Fri Apr 08, 09:03:30 AM IST  


தமிழ் வாத்தியார் யாரும் Bloggerஆக இல்லையா? நல்லவேளை தப்பிச்சீர் விஜய்! இல்லாட்டி குறளை ஒழுங்கா சொல்லாததுக்கு 200 முறை Imposition எழுத வேண்டி நேர்ந்திருக்கும். மறுபடியும் திருக்குறள் புத்தகத்தை எடுத்து இடையில் எதை விட்டீர்கள் என்று பார்த்து எனக்கு தனி மெயில் போடுங்கள்! இது Deputtationல் வந்த 'இந்த' தமிழ் வாத்தியார் கொடுத்த Punishment. யாரப்பா, இது? குறுக்கே பேசக் கூடாது! அதோட தமிழ் வாத்தியார் இடத்துல வந்துட்டு Englishல எல்லாம் பேசக்கூடாதுன்னு கமெண்ட் எல்லாம் அடிக்கக்கூடாது.


ஆண்டாள் குழந்தை....! அப்பா, உன்னை கேக்காம ஸ்கூல் மாத்திட்டாரா? எங்க தமிழ் வாத்தியாரு வந்து பாக்கச் சொன்னாருன்னு சொல்லி எங்கிட்ட அனுப்பி வைம்மா! நான் Advice பண்றேன், 'பொண்ணை இப்டி வாயாடியாவ வளர்து வைக்கறதுன்னு!'
இப்படிக்கு
Temp. தமிழ் வாத்தியார் சந்திரன்
(அந்த குறளை முழுக்கா சொல்லச் சொல்லி வாத்தியாரை கேக்காத Studentsக்கு ஜே!)


By நாலாவது கண், at Fri Apr 08, 10:34:46 AM IST  


சார் சார் சந்திரன்(தமிழ்) சார்.. நான் சொன்னது குறள் இல்லேன்னு நினைக்கிறேன் சார். கரெக்டா... ஒ ஓ ஸாரி... சீ... மன்னிச்சிருங்க... ரைட்டா?... திரும்ப மன்னிச்சிருங்க... சரியா?


By அல்வாசிட்டி.விஜய், at Fri Apr 08, 12:32:20 PM IST  


Andaaloda padangal rombha nalla irukku. Enga veetu retta vallu ennoda ATM card eduthu Laptopla pottu cash edukka pathu - oru laptop repair!!! Andallukku vaazhthukkal, thamaraipoo pramaadhama varaijirukkaa


By Uma, at Sun Apr 10, 05:22:46 PM IST  


andal_art_3.jpg படம் (அந்த சின்ன வயசுக்கு) தூள்! :-)


By சு. க்ருபா ஷங்கர், at Mon Apr 11, 01:28:11 AM IST  


தேசிகன்,


நேற்று இங்கு சிங்கைத்தொலைக்காட்சியில் தமிழ் பெயர் தொடர்பாக ஒரு விஷ்யம்
வந்தது. நண்பர் (பனசை நடராஜன்) ஒருவரும் கலந்துகொண்டு கருத்து
தெரிவித்திருந்தார்.


அது தொடர்பில், இங்கு நண்பர்களிடம் பகிர்ந்துகொண்ட விஷயம், உங்களுக்குத்
தொடர்பிருப்பதால் இங்கே:


குழந்தைகளுக்கு பெயர்வைப்பது தொடர்பிலான உங்களுடைய கருத்தை நேற்றிரவு
(பதிவு செய்ததை) பார்த்தேன். ஆம் நீங்கள் சொல்வது ஏற்றுக்கொள்ளக்
கூடியதுதான். பிச்சை... பொன்ற - குழந்தைளை ஏளனப்படுத்துவது போன்ற
பெயர்கள் தவிர்க்கப்படவேண்டும் என்பது உண்மை. ஆனால், இப்போதெல்லாம்
மக்கள் தங்களுடைய குழந்தைக்குப் பெயர் வைப்பதில்(லாவது) மாடர்னாக
இருக்கவேண்டும் அடையாளத்தை மறக்கிறார்கள்.


நேற்று தொலைக்காட்சியில் பேசியவர்கள் கூடக் கூறிய கருத்து, பல்லின
சமுதாயத்தில் வாழும் நாம் அனைவரும் கூப்பிடும்படி பெயர் வைப்பது
நல்லதுதானே... தமிழ்பெயர்தான் வேண்டும் என்று சிலர் அடம்பிடிப்பது தவறு
என்றார்கள். நான் 96ல் இருந்து சிங்கப்பூரில் இருக்கிறேன், எனக்கு
கூப்பிடுவதற்கு வசதியாக, அன்பு என்றோ நடராஜன் என்றோ குறைந்த பட்சம்
பீட்டர், ஹீசேன் என்று கூட வைப்பதில்லை. சீனர்கள் பெரும்பாலும் Ng Guan
Kuang Goh என்றுதானே வைக்கிறார்கள். இன்றும் பலர் பெயர் சொன்னாலும்,
ஞாபகம் வைத்துக்கொள்ள அவர்கள் அணிந்திருக்கும் அடையாள அட்டையை உற்றி
நோக்கித்தான் தெரிந்துகொள்ள வேண்டியிருக்கிறது (அங்கு (பெயரைப்பார்க்க)
உற்றி நோக்க சிலர் முறைத்த அனுபவமுண்டு என்பது தனிக்கதை:). இப்போதும்,
தொலைபேசியில் அழைத்து பெயர்கூறி அறிமுகப்படுத்திக்கொண்டவர்கள் பலர் பெயர்
தெரியவில்லைதான்.


Huyndai, Daewoo, Samsung, Toyota, TSunami, Panasonicலாம் இப்போ தமிழ்
பெயராகிவிட்டதால். கவின், எழில், இனிய தென்றல், பூங்குழலி, அமுது,
வெண்ணிலா, கவியன் எல்லாம் அன்னியமாகிப்போயிடுத்து (ஆனால் இங்கு
குறிப்பிட்ட பெயர்கள் எல்லாம் எனக்குத்தெரிந்த சில நண்பர்களின்
குழந்தைகள் பெயர்கள்தான், அந்த வகையில் திருப்தி).


எங்கள் மகளுக்கு, பெயர் வைக்கும்போது - மனைவி சொன்ன முக்கிய குறிப்பு,
பெயரில் ஷி - வரவேண்டும். சரியென்று எனக்கும் பிடித்த தர்ஷிணி பின்னர்
முழுதாக பிரியதர்ஷிணி. ஆனால், அவள் அடையாளத்தைச்சொல்ல "எழில்
பிரியதர்ஷிணி" என்று வைத்தோம். பெயர் நீளம் என்றார்கள், அப்போ எழில் -
மட்டும் வைத்துக்கொள்வோம் என்றேன். பிறர் மறுக்க எங்கள் மகள்:
இப்போது "எழில் பிரியதர்ஷிணி அன்புச்செழியன்" பலரும் கூப்பிடுவது பிரியா,
சிலர் தர்ஷிணி, எழில் ஆனால்... நன் கூப்பிடுவது பாப்பு, மனைவி பாப்பா...


மலர் விழி (மாதவி கூப்பிடு பெயர்)
அன்புச்செழியன் (பாஸ்கர் - அன்பு என்றால் நான் கல்லூரி செல்லும்வரை
யாருக்கும் ஊரில் தெரியாது, இப்போதும் பலருக்கு அப்படியே:),
கனிமொழி (சாந்தி)


என்று வைத்த எனது தந்தைகூட இந்தக்காலத்துல ஏன் இவ்ளோ நீளப்பெயர் என்றார்கள்.


நண்பர் தேசிகன், தனது மகள் கூறுவதாக எழுதியிருந்த
ஆண்டாள் - பதிவுகள் படித்தீர்களா?
http://desikann.blogspot.com/2004_06_01_desikann_archive.html


மற்றவை பிறகு.


என்றென்றும் அன்புடன்,
அன்பு


By அன்பு, at Thu Apr 14, 12:23:55 PM IST  


இப்பதான் படிச்சேன். மன்னிக்கவும். 2-அ படிச்சிட்டு கீழ உள்ள சுட்டிய பாக்காம 1-அ தேடிட்டு இருந்தேன்.


பதிவு அருமை. ஆண்டாளிடம் படங்களும் அறுமை என கூறுங்கள். ஆண்டாள் அழகான பெயரென்பதில் ஐயமில்லை.


By Halwacity.Shummy, at Thu Apr 14, 01:29:54 PM IST  


 

Wednesday, April 6, 2005

GPS – Global Positioning System

"போன பதிவுல எந்த காட்டுக்கு போனப்பா எனக்கும் கொஞ்சம் சொல்லேன்" என்றது வேதாளம்.
"எனக்கு தெரியாதுப்பா என்கிட்ட என்ன GPS சாதனமா இருக்கு" என்றான் விக்கிரமாதித்தன்.
"அது என்னப்பா GPS, அதை பற்றி சொல்லேன்"
"சரி எனக்கு தெரிந்த வரை உனக்கு எளிமையா சொல்ல முடியுமா என்று பார்க்கிறேன்" என்று விக்கிரமாதித்தன் GPS பற்றி எழுத ஆரம்பித்தான்.


*- * - *


GPS - Global Positioning System.
இதை பலர் கேள்விப்பட்டிருப்பீர்கள். சில வருடங்களுக்கு முன் நான் பாரிஸ் சென்ற போது எனக்கு இந்த தொழில்நுட்பம் அறிமுகமானது. எப்படி என்று சொல்வதற்கு முன் GPS எப்படி வேலை செய்கிறது என்று பார்க்கலாம். நம் முன்னோர்கள் இடங்களை குறிக்க பெரிய நினைவு சின்னங்கள், வரைபடங்கள், நட்சத்திரங்களின் அமைப்பு போன்றவற்றை அடையாளமாக உபயோகித்தார்கள்.


இன்று 4000 ரூபாய்க்கு ஒரு GPS சாதனம் கிடைக்கிறது. அதை வைத்துக்கொண்டு நீங்கள் எங்கே இருக்கிறீர்கள் என்று சுலபமாக சொல்லும்.


[%image(20050818-gps_27satellite.jpg|300|199|GPS Satellite)%]

 


(Photo courtesy U.S. Department of Defense)
(Artist's concept of the GPS satellite constellation )


GPS என்று நாம் கூறுவது பெரும்பாலும் GPS ரிசீவரையே குறிக்கிறது. 27 (அதில் மூன்று ஸ்டெப்னிகள்) செயற்கைகோள்களை கொண்டு அமைக்கபட்டுள்ளது. அமெரிக்க ரானுவத்தால் ராணுவத்திற்கு உருவாக்கப்பட்ட இது தற்போது எல்லோருக்கும் பயன்படும் விதமாக இருக்கிறது.


சுமார் 2000 கிலோ எடை உள்ள இச்செயற்கைகோள்கள் பூமியை 12,000 மையில் வேகத்தில் சுற்றுகின்றது. அதாவது பூமியை ஒரு நாளைக்கு இரண்டு முறை வலம் வருகிறது. பூமியில் எந்த பகுதியிலிருந்து பார்த்தாலும் தலைக்கு மேல் குறைந்தபட்சம் நான்கு செயற்கைகோள்கள் தெரியும்படி அதை அமைத்திருக்கிறார்கள்.


[%image(20050818-gps_satellite.jpg|248|199|GSP Satellite 1)%]

 


(Photo courtesy U.S. Army A GPS satellite)


GPS ரிசீவர் வேலை என்னவென்றால் இந்த நான்கு செயர்கைகோள்களை எங்கே என்றும் அதன் இடைப்பட்ட தூரம் எவ்வளவு என்று கண்டுபிடிக்க வேண்டும். இதை வைத்துக்கொண்டு எங்கே இருக்கிறோம் என்று கண்டுபிடிக்கிறது. இந்த உத்திக்கு பெயர் - Trilateration. ஒரு சின்ன உதாரணம் கொண்டு இதை பார்க்கலாம்.


 


[%image(20050818-chennai_gps1.jpg|300|238|GPS Chennai 1 )%]

நீங்கள் சென்னைக்கு புதிது. ஷாப்பிங் போய் எங்கோ துலைந்துவிட்டீர்கள் என்று வைத்துக்கொள்வோம். பக்கத்தில் இருக்கும் ஒரு சென்னை வாசியிடம்
"சார் நான் எங்கே இருக்கிறேன் ?" என்று கேட்கிறீர்கள்
"கஸ்மாலம், நீ கோடம்பாக்கம் லிபர்ட்டி டாக்கீஸிலிருந்து மூணு கிமீ தூரத்தில இருக்கே" என்று நக்கலாக பதிலலிக்கிறார். ( "A" - கோடம்பாக்கம் லிபர்ட்டி டாக்கீஸை குறிக்கிறது).
இந்த தகவலை வைத்துக்கொண்டு என்ன செய்வது ?. கோடம்பாக்கம் மூன்று கிமீ சுற்றளவில் நீங்கள் எங்கே வேண்டுமானாலும் இருக்காலாம் அல்லவா ?
( பார்க்க நீல நிற குறியீடுகள் )


 


 


 


[%image(20050818-chennai_gps2.jpg|300|238|GPS Chennai 2)%]

பக்கத்தில் இருக்கும் ஒரு பெண்மணியிடம் கேட்கிறீர்கள்.
"நான் எங்கே இருக்கிறேன் ?" என்று
அவளும் சளைத்தவள் அல்ல,
"ம்ம். இங்கிருந்து தேனாம்பேட்டை சன் டிவி அலுவலகம் முன்று கிமீ" என்று பதில் அளிக்கிறாள்.
(B-தேனாம்பேட்டை சன் டிவி அலுவலகத்தை குறிக்கிறது).
இப்போது நீங்கள் மேப்பில் இரண்டு வட்டங்களை போடுகிறீர்கள். அதன் intersection இரண்டு இடங்களில் இருப்பதால் இந்த இரண்டு இடங்களில் நிங்கள் எங்கே வேண்டுமானாலும் இருக்கலாம்.


 


 


 


[%image(20050818-chennai_gps3.jpg|300|238|GPS Chennai 3)%]

சரி, சென்னைவாசிகளே கொஞ்சம் வில்லங்கமானவர்கள் என்று ஒரு ஆட்டோ டிரைவரிடம்
"இங்கிருந்து மாம்பலம் அயோத்தியா மண்டபம் எவ்வளவு தூரம்பா ?" என்று கேட்கிறீர்கள்.
"3 கிமீ, ஆட்டோவில் குந்து சாமி வீட்டாண்ட விட்டுறேன்" என்று கூறுகிறார்.
(C- அயோத்தியா மண்டபத்தை குறிக்கிறது)


இப்போது நீங்கள் எங்கே இருக்கிறீர்கள் என்று சுலபமாக கண்டுபிடித்துவிடலாம். முன்றாம் வட்டத்தை போடுங்கள் அவ்வளவுதான். இந்த மூன்று வட்டங்களும் சேரும் இடம்தான் நீங்கள் இருக்கும் இடம். நீங்கள் தி.நகரில், பனகல் பார்க்கில் இருக்கிறீர்கள்.
( சென்னை மேப் உதவி : http://www.mapsofindia.com/ )


 


 


ஆக நீங்கள் வைத்துள்ள GPS சாதனம் இடத்தை கண்டுபிடிக்க அதற்கு இரண்டு தகவல்கள் தேவை படுகிறது
1. தன் தலைக்கு மேல் குறைந்த பட்சம் மூன்று செயற்கைகோள்கள்
2. சாதனத்திற்கும் செயற்கைகோள்களுக்கும் உள்ள தூரம்.


இந்த இரண்டு தகவல்களுமே செயற்கைகோள்களிலிருந்து வரும் ரேடியோ அலைகளை அலசி கண்டுபிடிக்கிறது. ரேடியோ அலைகள் ஒளியின் வேகத்தில் செல்ல கூடியவை (ஒரு வினாடிக்கு 186,000 மையில்கள் செல்லகூடியவை). செயற்கைகோள்கள் Pseudo Random Number என்பதை அனுப்பிக்கொண்டே இருக்கும். நம் கையில் உள்ள GPS சாதனம் தனக்கு வந்து சேரும் தகவல் எவ்வளவு நேரத்தில் வந்தது என்று கணக்கிட்டு செயற்கைகோள் எவ்வளவு தூரத்தில் இருக்கிறது என்று கணக்கிடும்.


( மேலும் விபரங்களுக்கு Googleலை நாடுங்கள் ).
சரி என் பாரிஸ் அனுபவத்திற்கு வருகிறேன்.


Image hosted by Photobucket.comபாரிஸில் என் அலுவலகத்தில் எனக்கு ஒரு ஹோட்டல் புக் செய்திருந்தார்கள். அது எங்கே என்று எனக்கு தெரிந்திருக்க நியாயம் இல்லை. டாக்ஸி டிரைவரிடம் அந்த ஹோட்டல் முகவரி அச்சிடப்பட்ட காகிதத்தை கொடுத்தேன். அவருக்கும் அந்த ஹோட்டல் எங்குள்ளது என்று தெரியவில்லை.


அப்போது காரின் ஸ்டீரியோ பக்கத்தில் ஒரு பட்டனை தட்டினார், ஒரு மிகச் சிறிய கீபோர்ட் வெளியே வந்தது, அதில் அந்த ஹோட்டலின் முகவரியை உள்ளிட்டார். கார் ஸ்டீரியோ மேல் இருக்கும் திரையில் ஒரு மேப் தெரிந்தது. நீங்கள் எங்கே நிற்கிறீர்கள் சாரி உட்கார்ந்துகொண்டிருக்கிறீர்கள், எந்த வழியாக போகவேண்டும் என்று சில நொடியிகளில் வரைபடத்தில் தெரிந்தது. புறப்பிட்ட பின் இந்த வழியாக போனால் இவ்வளவு நேரம் மிச்சமாகும், இடையில் எவ்வளவு சிக்னல்கள், வேகத்தடை என்று பல விஷயங்களை சொன்னது. டிரைவரிடம் காரை நிறுத்த சொல்லி முன் சீட்டில் வந்து உட்கார்ந்து கொண்டேன். நாங்கள் போகும் வேகத்தை வைத்து, இன்னும் எவ்வளவு நேரத்தில் போகலாம் என்று கணக்கிட்டு கூறியது.


இந்திய கார்களில் இன்னும் கொஞ்ச நாட்களில் வந்துவிடும் என்று சொல்கிறார்கள். தமிழ் பேர் வைக்க சொல்லி ரோட்டில் அரசியல் கலாட்டா, கண்ணமாபேட்டை சவ ஊர்வலம் போன்றவற்றை உங்களுக்கு எச்சரிக்க இன்னும் கொஞ்ச நாள் காத்திருக்க வேண்டும்.


தற்போது செல் போனில் GPS போல் ஒன்று வருவதை சிலர் கவனித்திரிபீர்கள். இதற்கு "Cell Display Information" என்று பேர். உங்கள் செல் போன் எந்த டவர் பக்கத்தில் உள்ளது என்று சொல்லு உத்தி. இந்த தகவலை வைத்துக்கொண்டு நீங்கள் எந்த ஏரியாவில் இருக்கிறீர்கள் என்று சொல்லும்.


போன வாரம் சென்னையிலிருந்து பெங்களூருக்கு S13 கம்பார்ட்மெண்டில் ஏறினேன்.என் பக்கத்தில் இருந்த பெண்
"சார் my friend is in S2, if you dont mind can you exchange the seat" என்றாள்.
ஒரு பெண்ணிடம் முடியாது என்று எப்படி சொல்வது?
"ok, with pleasure" என்று டிக்கேட்டை வாங்கிக்கொண்டு சென்றேன். அப்போது என் செல் போனில் "Chennai Central" என்று காட்டியது. S13க்கும், S2க்கும் நடுவில் முதல் வகுப்பு, AC-2Tier, AC-3Tier என்று ஏகப்பட்ட பெட்டிகள். ஒரு வழியாக S2வில் ஏறி உட்கார்ந்து செல் போனை பார்த்தேன் அதில் "Sowkarpet" என்றது. அவ்வளவு தூரம். S1னில் பெங்களூர் என்று காண்பித்தால் கூட ஆச்சிரியபடுவதிற்கில்லை.


"நீ இந்த மாதிரி பெண்களிடம் வழிவது உன் மனைவிக்கு தெரியுமா" என்றது வேதாளம்
விக்கிரமாதித்தன் என்ன பதில் சொல்வது என்று தெரியாமல் விழித்தான்.



Old Comments from my previous Blog


அருமையான பதிவு விக்கிரமாதித்தன்.


உங்களைக் குடையும் வேதாளத்திற்கும் நன்றிகள்.


நான் பற்றிக் கேள்விப்பட்டிருக்கிறேனே தவிர, பல விஷயங்கள் புதிது மற்றும் எளிமையாக விளக்கியுள்ளீர்கள்.


By சுரேஷ் (penathal Suresh), at Wed Apr 06, 09:57:06 AM IST  


Good blog. As long as GPS won't reveal to whom u r talking, We can continue with our jolls. I welcome GPS ;),


By REFLEX, at Wed Apr 06, 10:12:22 AM IST  


வணக்கம் தேசிகன். GPS எதுக்கு பயன்படுத்துறாங்கன்னு ஏதோ தெரியும். எப்படி பயன்படுத்தாருங்கன்னு எனக்குதெரிந்த தமிழில் விளக்கியதற்கு நன்றி.


ஆனா ஒரு டவுட்டு:) உலகெங்கும் அமரிக்காவோட அந்த 27 செயற்கைக்கோள்களைத்தான் பயன்படுத்துகிறார்களா?


இங்கு சிங்கப்பூரில், டாக்ஸி கம்பெனிகள் பயன்படுத்துகின்றன. நான் இருக்கும் யிஷூனில் (அல்லது குறிப்பாக) யிஷீன் ரிங் ரோட்-டில் இருந்து டாக்ஸிக்கு அழைத்தால், நிறுவனத்தில் இருந்த அந்த யிஷின் பகுதியில் (அந்த ரோட்டுப் பக்கம் மட்டுமா -தெரியவில்லை) திரியும் டாக்ஷிக்கு மட்டும் செய்து அனுப்ப, காலியாகத் திரிபவர்கள அழைப்பை ஏற்று 5 அல்லது 10 நிமிடங்களில் வருவதாக தெரிவித்ததை டாக்ஷி எண்ணுடன் நமக்கு உடனே IVRS தெரிவிக்கும்.


அதுபோல் நீங்கள் பாரிசில் பார்த்தது போன்ற காரிலியே அமையப்பெற்ற கருவி இல்லையென்றாலும், அதுபோன்ற வரைபடம் காட்டும் கருவி டாக்ஷியில் பொருத்தப்பட்டு வருகிறாது. போகுமிடம் உள்ளிட்டால் வரைபடம் தெரியும்.


அதுபோக ஒரு நிறுவனம், Palm Pilot ல் செயல்படுவது போன்ற ஒரு மென்பொருள் வெளியிட்டுள்ளார்கள். அதை வாகனத்தில் வைத்துக்கொண்டால், GPS பயன்படுத்தி நீங்கள் பாரிஸில் பார்த்தது போன்ற விஷயம் சாத்தியப்படும்.


மேலும் இங்கு பேருந்துகளில் பயணம் செய்ய ஒருவிதமான Gemplus IC-உடன் கூடிய மின்னட்டை பயன்படுத்துகிறோம் ( EZlink Card). இதுவரை ஒவ்வொரு பேருந்து நிறுத்தம் அல்லது ஸ்டேஜ் வரும்போது/கடந்தவுடன் வாகனமோட்டி (இங்குதான் நடத்துநரும் அவரேதானே) அவரருகில் உள்ள ஒரு கருவியில் பொத்தானை அமுக்க வேண்டியிருக்கும். இப்போது பஸ் நிறுத்தம் நெருங்கும் போது உடனடியாக மாறி விடுகிறது. இதுவும் GPSன் உதவியுடந்தான் என்று அறிகிறேன்.


அதுபோக போனில் உள்ள GPS பயன்படுத்தி கடைகள் விளம்பரங்களுக்குப் ப்யன் படுத்துகிறார்கள். அதாவது, நீங்கள் தி.நகர் அல்லது இன்னும் குறிப்பாக ரங்கநாதன் தெரு பக்கம் போகும்போது "சரவணா ஸ்டோர்ஸில் வரலாறு காணாத விலைக்கழிவு" என்ற சேதி உங்கள் கைத்தொலைபேசியில் குறுந்தகவலாக வரும்.


இதுபோல் நிறைய ப்லன்கள் உண்டு. அதை என்னைப்போன்ற பாமரர்களுக்குப் புரியும்படி எடுத்துச்சொன்ன வேதாளத்திற்கு மீண்டும் நன்றி.


அப்புறம் இன்னொன்னு:
அது ஏன் சாமி அந்த சாட்டிலைட் படங்களுக்கு மட்டும் அமெரிக்க நிறுவங்களுக்கு நன்றி, உத்தரவுல்லாம் வாங்கிருக்கிறீங்க. ஆனா நம்ப கோடம்பாக்கம் வரைபடத்துக்கு மட்டும் அப்படி ஏதும் எழுதல. (இங்க சிங்கையில் SingaporeDirectory என்ற நிறுவனத்தின் வரைபடத்தை ஏதோ ஒரு நிறுவனம் அவர்களின் இடத்துக்கு வ்ழி சொல்ல உதவியாக இவர்களின் அனுமதி இல்லாமல் பயன்படுத்தி, நீதிமன்றம் வரை சென்று பல்லாயிரம் வெள்ளி அபராதம் செலுத்தியது சமீபத்தில்:)


என்றென்றும் அன்புடன்,
அன்பு


By அன்பு, at Wed Apr 06, 10:22:58 AM IST  


வேதாளத்துக்கே தெரிஞ்சி போச்சு! தேசிகனோட லீலைகள், அவங்க வீட்ல தெரியாமா இருக்குமா? 'பெண்களூர்'ன்னு, பெங்களூரைப் பற்றி இவர் blogகிய போதே அவங்களுக்கு தெரிஞ்சி.... வாங்கி கட்டிகிட்டு அவஸ்தை பட்டார் பாருங்க! அது தனி கதை... ஐயோ அதையெல்லாம் இங்க Publicல வேற சொல்லிட்டேனா? போச்சுடா?


அது சரி அதைவிடுங்க! இந்த ஆளை தனியா பெங்களூர் விட்ட தப்பா போயிடும்னுதான் அடுத்த வாரத்துல 'அவங்க' இவரோட பெங்களூர் இடம் பெயரப் போவதாக தகவல். சரிதானா? ஆனா இது உண்மைதானான்னு கண்டுபிடிக்க GPS மாதிரி வேற எதாச்சும் இருக்கான்னு யாராவது எழுதுங்களேன்!


தேசிகன்... ஸாரி! GPS படிச்ச மயக்கத்துல... இப்படி போட்டு உடைச்சிட்டேன் உங்க வண்டவாளத்தை!


- சந்திரன்


By நாலாவது கண், at Wed Apr 06, 10:23:03 AM IST  


ஹாங்... reflex சொல்ற விஷய்த்தை மறந்துட்டேனே. இங்க சிங்கப்பூர்ல ஒரு நிறுவனம் - உங்க மகன்/மகள்/கணவர் எங்க இருக்காருன்னு தெரியனுமா....? எங்ககிட்ட வாங்கன்னு, கூவ ஆரம்பிச்சிருக்கு:)


By அன்பு, at Wed Apr 06, 10:25:18 AM IST  


அன்பு,


தகவல்களுக்கு நன்றி. அந்த கொடம்பாக்கம் படத்தை இந்த பதிவிற்காக நான் வரைந்தது, எனக்கே நன்றி எல்லாம் டூ-மச்.


சந்திரன்,


உங்களை உங்களை தனியாக அப்புறம் கவனிக்கிறேன். என்ன ?


By Desikan, at Wed Apr 06, 10:51:27 AM IST  


இன்னா சொல்றீங்க தேசிகன், அந்த மேப்பே... நீங்கள் வரைந்ததா!?


By அன்பு, at Wed Apr 06, 11:30:55 AM IST  


தொழில்நுட்ப விடயங்கள் ..இலகு தமிழில்..


இனி இந்த கட்டுரை இதன் கனதி கருதி பல இடங்களுக்கு பரவும்.


இப்படியே ஒவ்வொருவரும் எழுத ஆரம்பித்தால் தமிழுக்கு பல விடயங்கள் பல தமிழ் சொற்கள் கிடைக்கும்


பாராட்டுக்கள்.


By suratha, at Wed Apr 06, 11:59:35 AM IST  


அன்பு சுட்டிக்காட்டியதற்கு நன்றி.
சென்னை மேப் http://www.mapsofindia.com என்ற தளத்திலிருந்து எடுக்கப்பட்டது. பதிவில் update செய்துவிட்டேன்.


By Desikan, at Wed Apr 06, 12:00:12 PM IST  


தேசிகன்:
இந்தியாவில் 'வாயில் இருக்கிறது வழி' என்பார்கள் ஜிபிஎஸ் எதற்கு? :-)
ஆனால் இதன் பொருள் என்னவெனில் கேட்பவருக்கு எந்த வழி தெரியுமோ! அந்த வழியைச் சொல்லுவார். அது நீங்கள் கேட்கும் இடத்திற்குப் போக வேண்டுமென்ற அவசியமில்லை :-))
எனது பிரெஞ்ச் நண்பி சொல்லுவாள், "இந்தியர்களிடம் உள்ள கெட்ட பழக்கம், வழி கேட்டால் எனக்குத் தெரியாது என்று சொல்வதில்லை' என்று....ஆக..
நல்லா போகுது தேசிகன். எனக்கும் ரொம்பப் பிடிச்ச கதை மாந்தர்கள் வேதாளமும், பட்டி, விக்கிரமாதித்தனும்!


By N.Kannan, at Wed Apr 06, 02:14:17 PM IST  


தேசிகன்,


அதானே பாத்தேன்... நீங்கள் ஓவியரென்று தெரியும், அதற்காக அந்த வரைபடமுமா என்ற வயித்தெரிச்சல்தான்:)


சுரதா/யாராவது,
கனதி என்றால் என்ன?


By அன்பு, at Wed Apr 06, 02:29:42 PM IST  


Careful If ur wife has a GPS receiver with a High Tech satelite video capturing ,then
u have to pay the prize of talking with another lady. :-))


anandham@linuxmail.org


By Anandham, at Wed Apr 06, 02:42:48 PM IST  


அருமையான கட்டுரை தேசிகன். நல்லாயிருந்துச்சு.


By மதி கந்தசாமி (Mathy), at Wed Apr 06, 05:03:35 PM IST  


அன்பு,


//கனதி என்றால் என்ன? //


//இனி இந்த கட்டுரை இதன் கனதி கருதி பல இடங்களுக்கு பரவும்.//


நான், கனதி என்றாலுக்கு - முக்கியத்துவம், பேசப்படும் விஷயத்தின் முக்கியத்துவம் என்று எடுத்துக்கொண்டேன். சுரதாதான் சரியா என்று சொல்ல வேண்டும்.


By மதி கந்தசாமி (Mathy), at Wed Apr 06, 05:05:32 PM IST  


அன்பின் தேசிகனார் அவர்களே!


தங்கள் வேதாளம் வாழ்க! நவீன வேதாளம் செயற்கைகோளில் மேலும் உலவ கடவது. எங்களுக்குää எங்கள் தமிழில் இவைபோன்ற செய்திகள் கிடைக்க வேண்டும்.


வரைபடம் குறித்து விவாதம் வந்ததால் நானும் சற்று தெளிவுபெற விரும்புகிறேன். சமீபத்திய ஒரு கருத்தரங்கில் பென்ட்லே தனது புதிய விரிவாக்கமான கணினி வரைபட மென்பொருளான மைக்ரோஸ்டேஷன் வீ8 (Microstation V8) என்பதை மிக விரிவான பூகோள படங்கள் வரைவதற்காக பயன்படுத்துவதாக கூறினார்கள். செயற்கைகோளிலிருந்து பெறப்படும் டாட்டாக்களையும், முன்பே உள்ளீடப்பட்டிருக்கும் இவைபேன்ற உலக வரைபடத்தையும் பொருத்தி இத்தகைய விந்தைகள் புரியப்படுகின்றனவா? அறிவியல் ஆவியியல் வேகத்தில் செல்கின்றது!


திரைப்படம் ஒன்றில் வரும் வசனத்தைத்தான் சொல்ல தோன்றுகிறது.


“டெக்னாலஜி ஹெஸÊ இம்ப்ரூவுடூ சோ மசÊ”


 


நல் வாழ்த்துகள்!


அன்புடன்
மன்னை மாதேவன்


By மன்னை மாதேவன், at Wed Apr 06, 05:44:22 PM IST  


கனதியின் நேரடிக் கருத்தை பாரம் எனக் கொள்ளலாம்.
இங்கு சுரதா குறிப்பிட்டது கட்டுரையுள் அடங்கியுள்ள விடயம் கனதியானது என்பதே.
அதாவது விடயத்தின் முக்கியத்துவம் பிரயோசனம்.. என்று பல விடயங்களைக் கொள்ளும்.


By Chandravathanaa, at Wed Apr 06, 07:30:28 PM IST  


தேசிகன் நீங்கள் குறிப்பிட்ட GPS கருவி, இப்போது ஜேர்மனியில் புதிதாகத் தயாரிக்கப் படும் அனேகமான எல்லாக் கார்களுக்கும் பொருத்தப் படுகின்றன. இது காருக்கு வெளியில் பின் பக்கம் பொருத்தப் படும். இதனோடு உள்ளே பொருத்தப் படும் Navigation system மூலம் திரையில் நாம் போக வேண்டிய இடங்களைக் கண்டு பிடிக்கலாம்.


By Chandravathanaa, at Wed Apr 06, 07:38:56 PM IST  


Good Post :-)


"....இந்திய கார்களில் இன்னும் கொஞ்ச நாட்களில் வந்துவிடும் என்று சொல்கிறார்கள்......."


இந்தியாவில் இருக்கிறது. 5 வருடங்கள் முன்பு டில்லியில் I B சாக்ஸேனா என்கிற இளைஞர் முதலில் "சஞ்சய்" என்கிற பெயரில் இதை அறிமுகப்படுத்தினார். இத்தனைக்கும் இவர் கணினியில் சிறப்பு பயிற்சி எதுவும் பெற்றிருகக்வில்லை. ஆனால் 5 வருடம் முன்பு சமாசாரம் ஆயிற்றே; இப்போது இருக்கிறாரா, பெட்டிக்குள் போய்விட்டாரா என்று தேடியதில் கிடைத்தது இந்த தளம்.


http://www.gisdevelopment.net/application/business/bus0017.htm


டில்லியில் எவ்வளவு பேர் இப்போது உபயோக்கிறார்கள் என்று தெரியவில்லை.


By Aruna, at Wed Apr 06, 08:15:53 PM IST  


Dear Desikan:Profound apologies for comments in English over a beautiful Tamizh blog.I had not only read'Asterix' in 1975,I got them for my sons not only for the story or beauty of cartoon but also the nobility of characters in it.
I am not a Tech buff and most of what u said sound greek and latin to me but I did see a few gadgets here in WalMart handy to use, under the GPS priced about180 to 200$.Ur graphic step by step description on the usefullness of GPS for a man stranded near Liberty Theatre is telling.
All the best. Partha krishna


By kichami, at Wed Apr 06, 09:10:08 PM IST  


Dear Desikan:Profound apologies for comments in English over a beautiful Tamizh blog.I had not only read'Asterix' in 1975,I got them for my sons not only for the story or beauty of cartoon but also the nobility of characters in it.
I am not a Tech buff and most of what u said sound greek and latin to me but I did see a few gadgets here in WalMart handy to use, under the GPS priced about180 to 200$.Ur graphic step by step description on the usefullness of GPS for a man stranded near Liberty Theatre is telling.
All the best. Partha krishna


By kichami, at Wed Apr 06, 09:10:09 PM IST  


Dear Desikan:Profound apologies for comments in English over a beautiful Tamizh blog.I had not only read'Asterix' in 1975,I got them for my sons not only for the story or beauty of cartoon but also the nobility of characters in it.
I am not a Tech buff and most of what u said sound greek and latin to me but I did see a few gadgets here in WalMart handy to use, under the GPS priced about180 to 200$.Ur graphic step by step description on the usefullness of GPS for a man stranded near Liberty Theatre is telling.
All the best. Partha krishna


By kichami, at Wed Apr 06, 09:10:10 PM IST  


நன்றாகவும் எளிதாகவும் விளக்கியுள்ளீர்கள். என் காரில் உள்ள வழிகாட்டியில் இரண்டே முறைகள். ஒன்று நேர்வழி, மர்றொன்று எளிதான வழி. இரண்டில் எளிதான வழியை தேர்ந்தெடுக்கும் போது ஊரெல்லாம் சுற்றி வழிகாட்டும். மேலும் புதிதாக வரும் சாலைகளை சேர்க்க அவ்வப்போது அதைகார் விற்பனையாளரிடம் சென்று புதுப்பிக்க வேண்டும். என் போன்றவர்களுக்கு மிகவும் உதவி.


By தேன் துளி, at Thu Apr 07, 12:43:35 AM IST  


கடந்த வாரயிறுதியில் வந்த Benz கார் விளம்பரப்படி புதிதாக வரும் E-Class /series வண்டிகளில் சிங்கப்பூருக்கேற்ற GPS DVD உபகரணத்துடன் வரப்போகிறது. அதில் டிவிடியும் பார்த்துக்கொள்ளலாம் (அதன் மதிப்பு: S$ 13000+)


By அன்பு, at Mon Apr 11, 04:24:16 PM IST  


//இந்திய கார்களில் இன்னும் கொஞ்ச நாட்களில் வந்துவிடும் என்று சொல்கிறார்கள். தமிழ் பேர் வைக்க சொல்லி ரோட்டில் அரசியல் கலாட்டா, கண்ணமாபேட்டை சவ ஊர்வலம் போன்றவற்றை உங்களுக்கு எச்சரிக்க இன்னும் கொஞ்ச நாள் காத்திருக்க வேண்டும்//


ha ha


By raviaa, at Wed Apr 13, 12:34:07 PM IST  


//இந்திய கார்களில் இன்னும் கொஞ்ச நாட்களில் வந்துவிடும் என்று சொல்கிறார்கள். தமிழ் பேர் வைக்க சொல்லி ரோட்டில் அரசியல் கலாட்டா, கண்ணமாபேட்டை சவ ஊர்வலம் போன்றவற்றை உங்களுக்கு எச்சரிக்க இன்னும் கொஞ்ச நாள் காத்திருக்க வேண்டும்//


ha ha


By raviaa, at Wed Apr 13, 12:35:53 PM IST